ރިސޯޓްތަކުން ދައުލަތަށް ނުދައްކާ ހުރި ފައިސާގެ އަދަދު 97 މިލިޔަން ޑޮލަރަށް އަރާ ކަމަށް ޓޫރިމް މިނިސްޓަރު މުޙައްމަދު އަމީން ވިދާޅުވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު ވިދާޅުވީ އެފައިސާ ހޯދުމުގެ މަސައްކަތް މިހާރު ފަށާފައިވާ ކަމަށެވެ. އަދި ފަތުރުވެރިކަމުގެ ދާއިރާގެ 94 އިންސައްތަ ފަރާތްތަކުން ގާނޫނުތަކަށް ބޯލަނބާ ކަމަށާއި ފައިސާ ނުދައްކަނީ މަދު ފަރާތްތަކެއް ކަމަށް މިނިސްޓަރު ވިދާޅުވި އެވެ.

Ad by Hajj Corporation

މިނިސްޓަރު އަމީން ވިދާޅުވީ ބިމު ކުއްޔާ ޖޫރިމަނާ ނުދައްކާ ހުރި ފަރާތްތަކަށް އެއް އުސޫލަކުން އަމަލު ކުރުމަށް ވަޒީރުންގެ މަޖިލީހުން ނިންމާފައިވާ ކަމަށެވެ. އަދި ދީފައިވާ މުއްދަތައް އެ ފައިސާ ނުދައްކާނަމަ އިތުރު ފިޔަވަޅުތައް އަޅާނެ ކަމަށް ވެސް މިނިސްޓަރު ފާހަގަ ކުރެއްވެވި އެވެ.