ޤައުމީ އެއަރލައިން، މޯލްޑިވިއަނުން ދ. ކުޑަހުވަދޫގައި އޮންނަ ދާލު އެއަރޕޯޓަށް ޝެޑިއުލް ދަތުރުތައް މިއަދު ފަށައިފިއެވެ.

ކުޑަހުވަދޫގައި އޮންނަ ދާލު އެއަރޕޯޓަކީ މަންތާ އެއަރއިން ހިންގަމުން އަންނަ އެއަރޕޯޓެކެވެ. މިހާތަނަށް އެ އެއަރޕޯޓަށް ޝެޑިއުލް ދަތުރުތައް ކުރަމުން އައީ ވެސް މަންތާ އެއަރއިންނެވެ. ނަމަވެސް، އެ އެއަރލައިނުން ވަނީ އެ އެއަރޕޯޓަށް ކުރާ ދަތުރުތައް ހުއްޓާލަން ނިންމައި، މިހާރު ވެސް ދަތުރުތައް ވަރަށް ބޮޑަށް މަދުކޮށްފައެވެ. މޯލްޑިވިއަނުން ދަތުރުތައް ފެށުމާއެކު، މަންތާ އެއަރގެ ދަތުރުތައް މުޅިން ނިމުމަކަށް ގެންނާނެ ކަމަށް ބެލެވެއެވެ.

Ad by Hajj Corporation

މޯލްޑިވިއަނުން ދާލު އެއަރޕޯޓަށް ކުރާ ދަތުރުތަކުގެ ޓިކެޓު ފެއަރގެ އަގަކީ 1,111 ރުފިޔާ އެވެ.

ދ. އަތޮޅަކީ ފަތުރުވެރިކަމުގައި ފާހަގަކޮށްލެވޭ އަތޮޅަކަށްވާއިރު، އެ އަތޮޅަށް ވައިގެ މަގުން ގިނަ އަދަދެއްގެ ފަތުރުވެރިން އަދި އާންމު ދަތުރުވެރިން އުފުލަން ޖެހެއެވެ. މޯލްޑިވިއަންގެ މި ދަތުރުތަކާއެކު ދ. އަތޮޅުގެ ދަތުރުފަތުރަށް އިތުރު ލުއިފަސޭހަކަމެއް ލިބިގެންދާނެއެވެ.