އއ. ތޮއްޑޫގައި ގަވާއިދާ ހިލާފަށް އުޅުނު 107 ބިދޭސީން އިމިގްރޭޝަންގެ ބެލުމުގެ ދަށަށް ގެނެސްފި އެވެ.

އިމިގްރޭޝަނުން ބުނީ ‏ގަވާއިދާ ހިލާފަށް އުޅޭ ބިދޭސީންގެ މައްސަލަ ބޮޑުކަމަށް ބުނެ އާންމުންގެ ގިނަ ޝަކުވާތަކެއް ލިބެމުންދިއުމާ ގުޅިގެން ތޮއްޑޫއަށް އަމާޒުކޮށްގެން ޓާސްކްފޯސްއިން ހިންގި އޮޕަރޭޝަންގައި ޖުމްލަ 507 ބިދޭސީއަކު ބަލައި ފާސްކޮށްފައިވާ ކަމަށެވެ.

މި އޮޕަރޭޝަނުގައި 107 މީހަކު އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަަށްވެސް ބުންޏެވެ.

ރާއްޖޭގައި ގަވާއިދާ ހިލާފަށް އުޅުނު 12،000 އަށްވުރެ ގިނަ ބިދޭސީން މި ސަރުކާރުގައި ވަނީ އަނބުރާ ގައުމަށް ފޮނުވާލާފަ އެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވިއިރު ބިދޭސީންގެ މައްސަލަ އޮތީ ވަރަށް ބޮޑަށް ބޮއްސުންލައި ގައުމީ ސަލާމަތަށް ނުރައްކާވާ ހާލަތުގައެވެ.

Ad by Hajj Corporation

ނަމަވެސް މިވެރިކަމުގައި ރާއްޖެއަށް މަސައްަތް ކުރަން އަންނަ ކޮންމެ ބިދޭސީއެއްގެ އަތުގެ 10 އިނގިލީގެ ފިންގަޕްރިންޓް ނަގައި ބިދޭސީންގެ ދަފްތަރު އަލުން އެކުލަވާލައި މުޅި މައްސަލައަށް ވަނީ އިންގިލާބީ ހެޔޮ ބަދަލެއް ގެނެސްފަ އެވެ.