ކުރީގެ ކޮންޓްރޯލާ އޮފް އިމިގްރޭޝަން ޑރ. މުހައްމަދު އަލީ މިއަދު އަވަހާރަވެއްޖެ އެވެ.

މީގެ ކުޑައިރުކޮޅެއް ކުރިން އުމުރުފުޅުން 67 އަހަރުގައި މުހައްމަދު އަލީ އަވަހާރަވީ އައިޖީއެމްއެޗްގައެވެ.

Ad by Hajj Corporation

ޕީއެޗްޑީ ހާސިލް ކުރައްވާފައިވާ މުހައްމަދު އަލީއަކީ ތިމާވެށީގެ ދާއިރާއިން ޕީއެޗްޑީ ހާސިލްކުރައްވާފައިވާ ބޭފުޅެކެވެ.

މުހައްމަދު އަލީ ވަނީ ކުރީގެ ޕްލޭނިން މިނިސްޓްރީއާއި އެންވަޔަރަންމަންޓް މިނިސްޓްރީގައި އިސްވެރިޔެއްގެ ގޮތުގައި ގިނަ ދުވަސްތަކަކު ތިމާވެއްޓާ ގުޅުންހުރި މަސައްކަތްތަކެއް ކުރައްވާފަ އެވެ.

މީގެއިތުރުން މުހައްމަދު އަލީ ވަނީ އިސްލާމިކް މިނިސްޓްރީގެ ސްޓޭޓް މިނިސްޓަރުކަމާއި ރައީސް އޮފީހުގެ ޗީފް އޮފް ސްޓާފްގެ މަގާމުވެސް ފުރުއްވާފަ އެވެ.

ތިމާވެއްޓަށް ލޯބިކުރައްވާތީ މުހައްމަދު އަލީ ގިނައިން އުޅުއްވީ ފައިމަގުގައި ނުވަތަ ބައިސްކަލް ގައެވެ.