ސްޓޭޓް އިލެކްޓްރިކް ކޮމްޕެނީ (ސްޓެލްކޯ) ގެ ޑިރެކްޓަރުންގެ ބޯޑަށް ޔޫތު މިނިސްޓްރީގެ ކުރީގެ ޑެޕިއުޓީ މިނިސްޓަރު އަހުމަދު ނިޒާމް މިއަދު އައްޔަންކުރައްވައިފި އެވެ.

Ad by Hajj Corporation

ނިޒާމް ސްޓެލްކޯގެ ބޯޑަށް ޢައްޔަނުކޮށްފައިވާކަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު އިން ބުނީ މިއަދުއެވެ.

މިއަދު ބޯޑު މެމްބަރަކަށް ޢައްޔަނުކުރެއްވި ނިޒާމް، ޔޫތު މިނިސްޓްރީގެ ޑެޕިއުޓީ މިނިސްޓަރުގެ މަގާމަށް އައްޔަންކުރުމުގެ ކުރިން،ވަނީ ޕްރޮޖެކްޓް މެނޭޖްކުރުމާއި އިދާރީ ހިންގުމުގެ ދާއިރާގައި ގިނަ ތަޖުރިބާތަކެއް ހޯއްދަވައި، އެ ދާއިރާތަކުގައި މަސައްކަތް ކުރައްވާފަ އެވެ.

ސްޓެލްކޯގެ ބޯޑަށް އާ ބޭފުޅަކު މި އައްޔަންކުރެއްވީ، ރާއްޖޭގެ ބޮޑު ބަޔަކަށް ޔޫޓިލިޓީ ހިދުމަތް ފޯރުކޮށްދެމުން އަންނަ ފެނަކަ ކޯޕަރޭޝަން އުވާލުމަށް ނިންމައި، އެ ކުންފުނީގެ މަސައްކަތްތައް ސްޓެލްކޯގެ ދަށަށް ބަދަލުކުރުމަށް ސަރުކާރުން ނިންމާފައިވާ ދަނޑިވަޅެއްގަ އެވެ.