ރަސްމާލޭގައި ކުރިއަށް ގެންދަން ނިންމާފައިވާ ދިވެހި ތާރީޚުގައި ހިންގާ ތަރައްގީގެ އެންމެ ބޮޑު މަޝްރޫއަށް އެމްޑީޕީގެ ޗެއާޕާސަން އަދި ކުރީގެ ރައީސް މުހައްމަދު ނަޝީދު ތާއީދުކުރައްވައިފި އެވެ.

ރަސްމާލޭގައި ވޯޓާފްރަންޓާއި މެރީނާއެއް ތަރައްގީކުރަން 20 ބިލިއަން ޑޮލަރުގެ މަޝްރޫއެއް ފެށުމަށް ޔޫއޭއީގެ ކުންފުންޏެއް ކަމަށްވާ އީގަލް ހިލްސްއާއެކު ދިވެހި ސަރުކާރުން މިއަދު ވަނީ ސޮއިކޮށްފަ އެވެ.

Ad by Hajj Corporation

އެކްސްގައި ކުރެއްވި ޕޯސްޓެއްގައި ރައީސް ނަޝީދު ވިދާޅުވީ ރަސްމާލޭގައި ވޯޓާފްރޮންޓެއް ތަރައްގީކުރުމަކީ ރަނގަޅު ޚިޔާލެއް ކަމަށެވެ.

ރައީސް ނަޝީދުގެ ޕޯސްޓްގައި ވަނީ ރަސްމާލޭގައި ކުރިއަށް ގެންދަން ނިންމާފައިވާ މަޝްރޫއުގެ ތެރެއިން ދައުލަތަށް މާލީ ފައިދާތަކެއް ލިބޭނެ ކަމަށް އެއްބަސްވެވަޑައިގެންފަ އެވެ. އެގޮތުން ނަޝީދު ވިދާޅުވީ އެ މަޝްރޫއުގެ ތެރެއިން ދައުލަތަށް އެއްޗެއް ލިބެން އަދި މަދުވެގެން ދެ އަހަރު ނަގާނެ ކަމަށެވެ.

ރަސްމާލޭގައި ވޯޓާފްރަންޓާއި މެރީނާއެއް ތަރައްގީކުރާތީ އެ މަޝްރޫއަށް ބޮޑު ޝައުގުވެރިކަމެއް އުފެދި ރައީސް ނަޝީދު ވަނީ ބައެއް ކަންކަން އޮޅުންފިލުއްވުމުގެ ގޮތުން މުހިއްމު ސުވާލެއްވެސް ކުރައްވާފަ އެވެ. އެގޮތުން ނަޝީދު ވަނީ ރަސްމާލެ ތަރައްގީކުރަނީ މިސަރުކާރުގެ ހަލާލު ޓޫރިޒަމުގެ މިންގަނޑުގައިތޯ އައްސަވާފަ އެވެ.

ރަސްމާލޭގައި ކުރިއަށް ގެންދަން ނިންމާފައިވާ ޓޫރިޒަމާ ގުޅުންހުރި މަޝްރޫއު ކުރިއަށްދާ ނިސްބަތަކުން އެ މަޝްރޫއުގެ ތަފްސީލްތައް ރައީސް ނަޝީދު އުފާފުޅުވާ މިންވަރަށް ބައިބަޔަށް ހާމަކުރުމަށް ސަރުކާރުން ވަނީ ނިންމާފަ އެވެ.