އެމްޓީސީސީގެ ބިން ހިއްކުމުގެ މަޝްރޫއުތައް ހަލުވިކުރުމަށްޓަކައި، މިހާރު ބޭނުންކުރާ މަހާޖައްރާފަށް ވުރެ ތިން ގުނަ ބޮޑު މުޅިން އާ ހޮޕާ ޑްރެޖަރެއް ހޯދުން މިހާރު ކަށަވަރުވެފައިވާ ކަމަށާއި، މި އަހަރު ނިމުމުގެ ކުރިން އެ އުޅަނދު ރާއްޖެއަށް ގެނެވޭނެ ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެއްޖެ އެވެ.

 ނޭޝަންސް ޗެޓް" ޕޮޑްކާސްޓުގައި ރައީސް ދެއްކެވި ވާހަކަފުޅުގައި، ސަރުކާރުން ފަށަން ނިންމާފައިވާ ތަރައްގީގެ މަޝްރޫއުތަކާއި 20 އަހަރުގެ މާސްޓާ ޕްލޭން ތަންފީޒު ކުރުމަށް މެދުއިރުމަތީގެ ހަނގުރާމައިގެ ސަބަބުން ކުރިމަތިވި ދަތިތަކުން މިހާރު އަރައިގަނެވިފައިވާ ކަމަށް ފާހަގަކުރެއްވި އެވެ.

Ad by Hajj Corporation

އަދި އެ ކުންފުންޏަށް ބޭނުންވާ ބޮޑުހިލަޔާއި ބޭރުން ގެންނަންޖެހޭ ތަކެތި ގެނެސް، ބަނދަރު ހެދުމާއި ރަށް ގިރުމުގެ މައްސަލަތައް ހައްލުކުރުމުގެ މަސައްކަތްތައް ވަރަށް ބާރު ސްޕީޑުގައި ފެށިގެންދާނެ ކަމަށް ވެސް އެމަނިކުފާނު ވިދާޅުވި އެވެ.

މީގެ އިތުރުން، އެމްޓީސީސީއާއި އާރްޑީސީ އެއްކޮށްލުމާ ގުޅިގެން މަގު ހެދުމުގެ މަސައްކަތްތައް ވެސް އަންނަ އަހަރުގެ ތެރޭގައި ވަރަށް ބާރަށް ކުރިއަށްދާ މަންޒަރު ފެނިގެންދާނެ ކަމަށް ރައީސް ވިދާޅުވި އެވެ.