މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އެ ކުންފުނީގެ ޕްރޮޖެކްޓް މެނޭޖަރުންނަށް ހާއްސަ ކޮށްގެން އޮޕަރޭޓަަނަލް އެވެއަރނަންސް ޓްރެއިނިންގ ސެޝަން އެއް އިއްޔެ ކުރިއަށް ގެންގޮސްފިއެވެ.

އެމްޓީސީސީން މީގެ ކުރިން ވެސް ވަނީ މިފަދަ ސެޝަންތަކެއް ކުރިއަށް ގެންގޮސަފައެވެ.މިއަދުގެ ސެޝަންގައި ވަނީ، ޕްރޮޖެކްޓް މެނޭޖަރުންނަށް ޕްރޮޖެކްޓެއް ހިންގާނެ ގޮތާއި އަދި ޕްރޮޖެކްޓް މެނޭޖަރއެއްގެ ޒިންމާ ކިޔައިދީފައެވެ.

Ad by Hajj Corporation

މިއަދުގެ ޓްރެއިނިންގ ސެޝަންގައި ވާހަކަ ދައްކަވަމުން އެމްޓީސީސީގެ ޑެޕިއުޓީ މެނޭޖިން ޑިރެކްޓަރު އަހުމަދު މުބީން ވިދާޅުވީ،އެމްޓީސީސީގެ ހަޤީޤީ މަޤްސަދު ހާސިލްކުރުމަށްޓަކާ އެންމެ މުހިންމު ދައުރެއް އަދާކުރަނީ ޕްރޮޖެކްޓް ޑީޕާޓްމަންޓް ކަަމަށެވެ.އަދި ޕްރޮޖެކްޓްސް ޑިޕާޓްމަންޓުން ކުރިއަށްދާ ޕްރޮޖެކްޓް ތަކަކީ ރައްޔިތުންގެ އާންމު ދިރިއުޅުމާ ،މަސްލަހަތާ ގުޅިފައިވާ ކަންކަން ކަމަށް މުބީން ފާހަގަ ކުރެއްވިއެވެ.

"މައިގަނޑު ގޮތެއްގެ ޕްރައިވެޓް ޕްރޮޖެކްޓްތަކުގެ ބޭރުން ހަމަ ބޮޑުބައެއް މިއޮތީ ރަށްރަށުގަ ދިރިއުޅޭ ރައްޔިތުންނާ ގުޅޭ މަޝްރޫއުތައް.މިއިން ކޮންމެ ރަށެއްގެ މަޝްރޫއުތައް ހިނގަމުން އަންނަ އިރު ވަރަށް ބޮޑަށް އޭގެތެރެއަށް ވަދެގެން އަޅުގަނޑުމެން ތިބެން ޖެހޭނި" މުބީން

މި ޓްރެއިނިންގ ގެ ބޭނުމަކީ އެ ކުންފުނީގެ ސްޓާފުން ޒިންމާދާރު ކުރުމަށްށާއި،ސްޓާފުން އިތުރަށް ކުރިއަރުވާ ތަރައެްޤީކުރުމެވެ. އަދި މިފަދަ ޓްރެއިނިންގ ތަކުގެ ސަބަބުން ޕްރޮޖެކްޓް މެނޭޖަރުންނަށް އެމީހުންގެ ދައުރު އެނގިގެންދިއުމުގެ އިތުރުން ޕްރޮޖެކްޓްތަށް ރާވާ ހިންގުމަށް މަގުފަހިކޮށްދެއެވެ.