logo
Bank of Maldives

Bank of Maldives

ޚަބަރު

ދަރުމަވަންތަ ހޮސްޕިޓަލުގައި ނެވިގޭޝަން ބޭނުންކޮށްގެން ސިކުނޑީގެ އޮޕަރޭޝަނެއް ކޮށްފި

އައިޝަތު ނަޝާ
29 ސެޕްޓެމްބަރު 2026 - 05:34
ދަރުމަވަންތަ ހޮސްޕިޓަލުގައި ނެވިގޭޝަން ބޭނުންކޮށްގެން ސިކުނޑީގެ އޮޕަރޭޝަނެއް ކޮށްފި

ރާއްޖޭގައި ފުރަތަމަ ފަހަރަށް، ނެވިގޭޝަން ޓެކްނޮލޮޖީގެ އެހީގައި ސިކުނޑީގެ އޮޕަރޭޝަނެއް ދަރުމަވަންތަ ހޮސްޕިޓަލުގެ ނިއުރޯސާޖަރީ ޑިޕާޓްމަންޓުން ހޯމަ ދުވަހު ކާމިޔާބުކަމާއެކު ކޮށްފިއެވެ.

އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް) އިން ބުނި ގޮތުގައި، މިއީ ރާއްޖޭގައި ސިކުނޑީގެ ފަރުވާ ދިނުމުގައި ލިބުނު ވަރަށް ބޮޑު ކުރިއެރުމެކެވެ. މި އޮޕަރޭޝަންގައި ބޭނުންކޮށްފައިވަނީ މެޑްޓްރޯނިކްސް ކުންފުނީގެ "ސްޓެލްތްސްޓޭޝަން އެސް8" ނިޒާމެވެ. މިއީ ސީޓީ އަދި އެމްއާރުއައި ސްކޭންތަކުގެ އެހީގައި ބަލިމީހާގެ ސިކުނޑީގެ އެތެރެ ވަރަށް ތަފުސީލުކޮށް ދައްކައިދީ، އޮޕަރޭޝަން ކުރާ ވަގުތު ސާޖަރީގައި ބޭނުންކުރާ އާލާތްތައް ހުރި ތަން ޓްރެކްކޮށްދޭ ކޮމްޕިއުޓަރު ނިޒާމެކެވެ.

Ad by Hajj Corporation

Ad by Hajj Corporation

ދަރުމަވަންތަ ހޮސްޕިޓަލުގައި މި ޓެކްނޮލޮޖީ ތައާރަފުކޮށްފައިވަނީ، މާލެ ސިޓީ ގްރޫޕް އޮފް ހޮސްޕިޓަލްސްގެ ދަށުން ޚާއްސަ ބަލިތަކުގެ ފަރުވާ ފުޅާކުރުމަށް ކުރަމުންދާ މަސައްކަތްތަކުގެ ތެރެއިންނެވެ. އެގޮތުން، މި އަހަރުގެ ފެބްރުއަރީ މަހު އައިޖީއެމްއެޗްގައި ވަނީ "ނޭޝަނަލް ސެންޓާ ފޯ ނިއުރޯސައިންސަސް އެންޑް ސްޓްރޯކް" ހުޅުވާފައެވެ. އައިޖީއެމްއެޗުން ބުނި ގޮތުގައި މި މަރުކަޒުގެ ބޭނުމަކީ ސިކުނޑިއާއި މައިބަދައިގެ އޮޕަރޭޝަންތަކާއި ސްޓްރޯކްގެ ފަރުވާ ރާއްޖޭގައި ފުޅާކުރުމެވެ. މި މަރުކަޒާއެކު، ރާއްޖެއިން ބޭރަށް ފަރުވާ ހޯދަން ދާންޖެހޭ މިންވަރު މަދުކުރެވޭނެ ކަމަށް އެ ހޮސްޕިޓަލުން ވަނީ ފާހަގަކޮށްފައެވެ.

މެޑްޓްރޯނިކްސްއިން ބުނާ ގޮތުގައި މި ޓެކްނޮލޮޖީ މަސައްކަތްކުރަނީ ސިކުނޑީގެ އޮޕަރޭޝަންތަކަށް ޚާއްސަ ޖީޕީއެސް ނިޒާމެއް ފަދައިންނެވެ. އޮޕަރޭޝަން ފެށުމުގެ ކުރިން ޑޮކްޓަރުންނަށް ބަލިމީހާގެ ސްކޭންތައް ބޭނުންކޮށްގެން އޮޕަރޭޝަން ކުރިއަށްގެންދާނެ މަގު ރާވާލެވެއެވެ. އަދި އޮޕަރޭޝަން ކުރަމުންދާ ވަގުތު، ސިކުނޑީގެ މުހިންމު ހިސާބުތަކަށް ގެއްލުން ނުވާނެހެން އަމާޒުކޮށްފައިވާ ތަނަށް ވާސިލުވުމަށް މި ނިޒާމުން މަގުދައްކައިދެއެވެ.

Ad by Regional Airports

Ad by Regional Airports

ކޮމެންޓް

ގުޅުންހުރި ލިޔުންތައް

ދަރުމަވަންތަ ހޮސްޕިޓަލުގައި ނެވިގޭޝަން ބޭނުންކޮށްގެން ސިކުނޑީގެ އޮޕަރޭޝަނެއް ކޮށްފިޚަބަރު | 2 ގަޑިއިރު ކުރިންސިއްހީ ދާއިރާ އާ ހަރުފަތަކަށް: އެކި ދާއިރާތަށް ހާއްސަ 16 ދިވެހި ޑޮކްޓަރުން މައި ދެ ހޮސްޕިޓަލްގެ ޚިދުމަތް ފައްޓަވައިފިޚަބަރު | 2 މަސް ކުރިންނިއުކްލިއިކް އެސިޑް ޓެސްޓިންގެ ހިދުމަތް ރާއްޖޭގައި ފަށައިފިޚަބަރު | 2 މަސް ކުރިން"އޮސްޓިއޯންކްރޯސިސް" ސަރޖަރީގެ އެންމެ ފަހުގެ ވަސީލަތްތައް ރާއްޖެއަށްޚަބަރު | 6 މަސް ކުރިން