ހުޅުމާލެއިން މިދިޔަ ބުރާސްފަތި ދުވަހާއި ރޭ ކަރަންޓު ކެނޑި، އާންމުންނަށް ދަތިތަކާ ކުރިމަތިލާންޖެހުނީ އިމާރާތްކުރުމުގެ މަސައްކަތްތަކަށް މަގު ކޮނުމުގެ ތެރޭގައި ބިމުއަޑީގައި ވަޅުލާފައިވާ ހައި ވޯލްޓޭޖް ކަރަންޓު ކޭބަލްތަކަށް ގެއްލުން ލިބިގެން ކަމަށް ސްޓެލްކޯއިން ބުނެފި އެވެ.

އެގޮތުން ބުރާސްފަތި ދުވަހު ބަނަފްސާ ހިނގުން ސަރަހައްދުގައި ވަޅު ކޮންނަނިކޮށް ކޭބަލަކަށް ގެއްލުންވެ ދެ ގަޑިއެއްހާ އިރަށް ކަރަންޓު ކެނޑުނުއިރު، ހޯމަދުވަހުގެ ރޭ ކަރަންޓު ކެނޑުނީ ކުރެދިމާ ހިނގުން ކޮނުމުގެ ތެރޭގައި ހައި ވޯލްޓޭޖް ކޭބަލެއް ބުރިވެގެންނެވެ.

Ad by Hajj Corporation

މިފަދަ ހާދިސާތައް ތަކުރާރުވެ، ކަރަންޓުގެ ވިއުގައަށް ގެއްލުންވެ ހިދުމަތް މެދުކެނޑުމަކީ އާންމު ރައްޔިތުންނަށް އިންތިހާއަށް ދަތިވާ، އަދި އެ ކުންފުނީގެ ބޮޑު ކަންބޮޑުވުމެއް ކަމަށް ސްޓެލްކޯއިން މައުލޫމާތުދެ އެވެ. އަދި ބައިނަލްއަގްވާމީ މިންގަނޑުތަކާ އެއްގޮތަށް ރައްކާތެރިކަމުގެ ފިޔަވަޅުތަކާއެކު ކޭބަލްތައް ވަޅުލާފައި ހުރި ނަމަވެސް، މަގު ކޮންނަ މީހުން އެކަމަށް ސަމާލުކަން ނުދީ ޒިންމާދާރުކަމާއެކު މަސައްކަތް ކުރުމަށާއި، ގެއްލުން ވުމުން އެކަން ސިއްރުކުރަން އަމިއްލައަށް ޓޭޕް އަޅާކަން ފާހަގަކުރެވިފައިވާތީ އެކަމަށް ސަމާލުވުމަށް އެ ކުންފުނިން ވަނީ ނަސޭހަތްތެރިވެފައެވެ.