ސަރުކާރުން އެޅި ފިޔަވަޅުތަކުގެ ސަބަބުން ޑޮލަރުގެ އަގު ބޮޑުތަނުން ވެއްޓިއްޖެ ކަމަށް ދިވެހިރާއްޖެއިން ޖަޕާނަށް ކަނޑައަޅުއްވާފައި ހުންނަވާ ސަފީރު އަހުމަދު މަހުލޫފް ވިދާޅުވެއްޖެއެވެ.

މެންދުރު ޓީވީގެ "ޓީ ޓޯކް" ޕްރޮގްރާމުގައި ވާހަކަދައްކަވަމުން މަހުލޫފް ވިދާޅުވީ ޑޮލަރު ވިއްކާ ފަރާތްތަކުން ނޫސްތަކަށް ލާރިދީގެން ޑޮލަރުގެ އަގު ބޮޑުކުރުމަށް މަސައްކަތްކޮށްފައިވާ ކަމަށެވެ.

Ad by Hajj Corporation

"ޑޮލަރުގެ ވިޔަފާރީގައި އުޅޭ މީހުން ނޫހަކަށް ލާރިދީގެން މިއަދުގެ ރޭޓަކީ 25 ހޭ ޖަހާށޭ ބުނީމަ މި ޖަހަނީ 25 ހޭ. މިއީ ހަމަ މިކަންވާ ގޮތް. މިހާރު ސަރުކާރުން ރައީސް އެޅުއްވި ފިޔަވަޅުތަކާ އެކު ބޮޑުކޮށް ޑޮލަރުގެ އަގު ވަނީ ވެއްޓިފައި،" މަހުލޫފް ވިދާޅުވި އެވެ.

މަހުލޫފު ވިދާޅުވީ ރައްޔިތުންވެސް ޒިންމާދާރު ބަޔަކަށްވެ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ސިޔާސަތަށް ގެންނަވާ މިފަދަ ބަދަލުތަކަށް އެއްބާރުލުން ދޭންޖެހޭ ކަމަށެވެ.