ރާއްޖޭގައި އެޗްއައިވީ ޖެހިފައިތިބި މީހުންގެ ތެރެއިން މިވަގުތު ދުނިޔޭގައި ތިބީ 53 މީހުން ކަމަށް ހެލްތު މިނިސްޓަރު ގީލާ އަލީ ވިދާޅުވެއްޖެ އެވެ.

ހެލްތު މިނިސްޓްރީގެ ފަރާތުން މީޑިއާތަކަށް މައުލޫމާތު ދިނުމަށް ރައީސުލްޖުމްހޫރިއްޔާގެ އޮފީހުގައި ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރ ގީލާ ވިދާޅުވީ، ރާއްޖޭގައި މިވަގުތު ތިބި އެޗްއައިވީގެ ހުރިހާ ޕޭޝަންޓުންނަށްވެސް ދައުލަތުން އެންމެ  ފުރިހަމަ އެހީތެރިކަން ފޯރުކޮށްދެމުންދާ ކަމަށެވެ.                                       

Ad by Hajj Corporation

 ރާއްޖެއިން މިބަލި އެންމެ ފުރަތަމަ ފެނިފަވަނީ 1991 އަހަރުއެވެ.     

އޭގެ ފަހުން އެޗްއައިވީ ފެތުރުން ކޮންޓްރޯލް ކުރެވުނު ނަމަވެސް، މިހާތަނަށް ރާއްޖެއިން އެޗްއައިވީގެ 71 ކޭސް ފާހަގަ ކުރެވިފައިވާ ކަމަށާއި، އޭގެ ތެރެއިން 18 މީހަކު ނިޔާވެފައިވާއިރު، ބައްޔަށް ފަރުވާ ހޯދަމުންދަނީ 53 މީހުން ކަމަށް މިނިސްޓަރ ވިދާޅުވި އެވެ.

އަދި މިވަގުތު ރާއްޖޭގައި ތިބި އެޗްއައިވީގެ ހުރިހާ ޕޭޝަންޓުންނަށްވެސް އެންމެ ފުރިހަމައަށް އެހީތެރިކަންފޯރުކޮށްދީ އެކަށީގެންވާ ބޭސްފަރުވާގެ ހިދުމަތްފޯރުކޮށްދެވޭކަމަށް މިނިސްޓަރ ގީލާ އަލީ ވިދާޅުވިއެވެ.