މާލެ ވޯޓަރ އެންޑް ސުވަރޭޖް ކޮމްޕެނީ (އެމްޑަބްލިއުއެސްސީ) އިން އައްޑޫ އަތޮޅާއި ފުވައްމުލަކު ސިޓީގެ ފެނާއި ނަރުދަމާގެ ޚިދުމަތް މިމަހުގެ 1 ވަނަ ދުވަހު ރަސްމީކޮށް ހަވާލުވެ، އެ ޚިދުމަތްތައް ފަށައިފި އެވެ.

Ad by Hajj Corporation

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ކޯޕަރޭޓް ދާއިރާ އިޞްލާޙުކުރުމަށް ގެންގުޅުއްވާ ސިޔާސަތުގެ ދަށުން ގެނެވުނު މި ބަދަލާއެކު، ހުޅުދޫ އަދި މީދޫ ހިމެނޭހެން އައްޑޫ އަތޮޅާއި ފުވައްމުލަކު ސިޓީގެ ފެނާއި ނަރުދަމާގެ އިންފްރާސްޓްރަކްޗަރ އަދި ވަސީލަތްތައް ބަދަލުކުރުމުގެ މަސައްކަތް މިހާރު ވަނީ އެއްކޮށް ނިމިފައެވެ.

އެމްޑަބްލިއުއެސްސީގެ މެނޭޖިންގ ޑިރެކްޓަރ ހުސެއިން ފަހުމީ ސޯޝަލް މީޑިއާ އަށް ދޫކޮށްލެއްވި ޕޯސްޓެއްގައި ވިދާޅުވީ، މި ނިޒާމުތައް އިތުރަށް ހަރުދަނާކޮށް ރައްޔިތުންނަށް މެދުކެނޑުމެއްނެތި އިތުބާރުހުރި ހިދުމަތެއް ކަށަވަރުކޮށްދިނުމަށްޓަކައި، ފަންނީ އެސެސްމަންޓްތަކަށް ބިނާކޮށް ހިދުމަތުގެ ފެންވަރު މަތިކުރުމުގެ އަމަލީ މަސައްކަތްތައް މިހާރު ކުރަމުންދާ ކަމަށެވެ.

މީގެ އިތުރުން، ފެނަކަ ކޯޕަރޭޝަން އުވާލައި ކަރަންޓުގެ ހިދުމަތް ސްޓެލްކޯގެ ބެލުމުގެ ދަށަށް ބަދަލުކުރުމަށް ނިންމަވާފައިވާ ނިންމެވުމުގެ ތެރެއިން، އައްޑޫ ސިޓީގެ ކަރަންޓުގެ ހިދުމަތާ ވެސް ސްޓެލްކޯއިން ވަނީ ދާދި ފަހުން ހަވާލުވެފައެވެ.