ށ. މަރޮށީ ޞިއްޙީ މަރުކަޒުގައި ލެބޯޓަރީގެ ޚިދުމަތް ރަސްމީކޮށް ފަށައިފިއެވެ.

މި ޚިދުމަތް އެރަށުގައި ފައްޓަވައިދެއްވީ ހެލްތް މިނިސްޓަރު ޤީލާ ޢަލީއެވެ. މި ރަސްމިއްޔާތެއްގައި ސިއްޙީ ވުޒާރާއާއި، ކައުންސިލާއި، ސިއްޙީ މަރުކަޒުގެ އިސްވެރިން ބައިވެރިވެވަޑައިގެންނެވިއެވެ.
މި އާ ލެބޯޓަރީއާއެކު މަރޮށީ ޞިއްޙީ މަރުކަޒުގެ ޚިދުމަތް ދެމުން އައި ގަޑިތައް ވަނީ 16 ގަޑިއިރުން 24 ގަޑިއިރަށް ބަދަލުކޮށްފައެވެ. ވަޒީރު ޤީލާ ޢަލީ ފާހަގަކުރެއްވި ގޮތުގައި، މި ޚިދުމަތް ފެށުމަކީ ޓެސްޓުތައް ހެދުމަށް އެހެން ރަށްރަށަށް ދަތުރުކުރަންޖެހުމުގެ ދަތިކަމަށް ބޮޑު ލުޔެއް ލިބިގެންދާނެއެވެ. އެގޮތުން ރަށުގައި ތިބެގެން ލޭ އެޅުމުގެ ޚިދުމަތާއި އާންމު ބައެއް ޓެސްޓުތައް ހެދުމުގެ ފުރުޞަތު ލިބުމުން ރައްޔިތުންގެ ޖީބަށް ލުއިވެ، ހައްޓަށްވެސް ފަސޭހަވެގެންދާނެއެވެ. މަރޮށީގެ އިތުރު އެ އަތޮޅު ޅައިމަގުގައި ޞިއްޙީ މަރުކަޒުގައި ލެބޯޓަރީގެ ޚިދުމަތް ވަނީ ފަށާފަ އެވެ.

Ad by Hajj Corporation

މީގެ އިތުރުން، ހަކުރު ބައްޔާއި، ހިތުގެ ބައްޔާއި، ލޭ މައްޗަށް ދިއުމާއި، ކިޑްނީގެ މައްސަލަތައް ފަދަ ބޮޑެތި ބަލިތައް ދުރާލައި ދެނެގަތުމަށް މި ލެބޯޓަރީގެ ސަބަބުން ފަސޭހަވެގެންދާނެ ކަމަށް މިނިސްޓްރީން މައުލޫމާތުދެ އެވެ. އަދި ޑެންގޫ ފަދަ މަދިރީގެ ޒަރިއްޔާއިން ފެތުރޭ ބަލިތަކާއި، މާބަނޑު މީހުން ޤަވާއިދުން ހަދަންޖެހޭ ޓެސްޓުތައް ހެދުމަށްވެސް މަގުފަހިވެގެންދާނެކަމަށް ހެލްތް މިނިސްޓްރީން މައުލޫމާތުދެ އެވެ.
ރާއްޖޭގެ ހުރިހާ ރަށެއްގައި ލެބޯޓަރީގެ ޚިދުމަތް ޤާއިމުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދެކެވެ. އެގޮތުން މިހާތަނަށް ލެބޯޓަރީ ޤާއިމުވެފައި ނުވާ 76 ރަށުގައި އެ ޚިދުމަތް ޤާއިމުކުރުމުގެ މަސައްކަތުގެ ތެރެއިން، މަރޮށި އަދި ޅައިމަގުގައި ލެބޯޓްރީގެ ހިދުމަތް ފެށުމުން ޖުމްލް 20 ލެބޯޓްރީގެ ހިދުމަތް މިހާެރު ވަނީ ގައީމުވެފަ އެވެ.