މެލޭޝިޔާގެ ކުއާލަ ލަމްޕޫރުގައި ރޭ ހިނގި ނުރައްކާތެރި އެކްސިޑެންޓެއްގައި ދިވެހި ޒުވާނަކު ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އެ ދަރިވަރުގެ ޢާއިލާ އަށް ތައުޒިޔާ ފޮނުއްވައިފިއެވެ.

މި އެކްސިޑެންޓުގައި ލިބުނު އަނިޔާތަކުގައި ނިޔާވެފައިވަނީ ސ. ހިތަދޫ، މާރިޝް، އާމިނާ އިމީލީ ނާޒިމް އެވެ.

Ad by Hajj Corporation

މި ހިތާމަވެރި ހާދިސާއާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ މަރުޙޫމާގެ ޢާއިލާއަށް ތަޢުޒިޔާ ވިދާޅުވެފައެވެ. ރައީސް ސޯޝަލް މީޑިއާގައި ކުރެއްވި މެސެޖެއްގައި މަރްޙޫމާ އިމީލީގެ ފުރާނައަށް މާތްﷲގެ ތަނަވަސް ރަޙްމަތް ލައްވައި، ސުވަރުގޭގެ ދާއިމީ ނިޢުމަތް މިންވަރު ކުރެއްވުން އެދި ދުޢާ ދަންނަވާފައިވެއެވެ.

އިމީލީއަކީ މެލޭޝިއާގެ ޓެއިލާ ޔުނިވާސިޓީގައި މަތީ ތަޢުލީމު ހާސިލުކުރަމުން އައި ދަރިވަރެކެވެ. މަޢުލޫމާތު ލިބިފައިވާ ގޮތުގައި މި އެކްސިޑެންޓް ހިނގާފައިވަނީ ޝޮޕިން މޯލްއަކަށް ދިއުމަށް ފަހު، އެނބުރި ގެއަށް ދަތުރުކުރި ވަގުތުގައެވެ. އަދި އެ ވަގުތު ކާރުގައި އިތުރު ދިވެއްސަކު އިން ކަމަށާއި، އެ މީހާއަށް ވެސް އެކި ވަރުގެ އަނިޔާތައް ލިބިފައިވާ ކަމަށް ވަނީ އެނގިފައެވެ.