ޕޯޗުގަލްގެ ޤައުމީ ފުޓްބޯޅަ ޓީމުގެ ކޭމްޕް ދޫކޮށް ދިއުމާ ގުޅިގެން، ކެޕްޓަން ކްރިސްޓިއާނޯ ރޮނާލްޑޯ 30 ދުވަހުގެ މުއްދަތަށް ސަސްޕެންޑްކޮށް، 255 ޔޫރޯ (285 ޑޮލަރު) އިން ޖޫރިމަނާކުރުމަށް އެ ޤައުމުގެ ފުޓްބޯޅަ ފެޑެރޭޝަނުން ނިންމައިފިއެވެ. ޕޯޗުގީޒް ފުޓްބޯޅަ ފެޑެރޭޝަނުން ހޯމަ ދުވަހު ބުނީ، މިއީ އެ އަމަލަށް އެކަށީގެންވާ އަދަބެއް ކަމަށެވެ.

ފެޑެރޭޝަނުން ހާމަކުރި ގޮތުގައި، ހުކުރު ދުވަހު ހުށަހެޅި ބަޔާނުގައި ރޮނާލްޑޯ ވަނީ އޭނާގެ މައްޗަށް ކުރެވުނު ތުހުމަތުތަކަށް ފުރިހަމައަށް އިއުތިރާފުވެފައެވެ. އޭނާ ކުށަށް އިއުތިރާފުވުމާއި، މީގެ ކުރިން އަޚްލާޤީ މައްސަލައެއް ފެންމަތިވެފައި ނުވުމަކީ އަދަބު ލުއިކުރުމަށް ރިއާޔަތްކުރި ސަބަބުތަކެކެވެ. މިއީ ލުއިދެވޭ ހާލަތްތަކަށް ބެލުމަށްފަހު ފެޑެރޭޝަނަށް ކަނޑައެޅޭނެ އެންމެ ބޮޑު ޖޫރިމަނާއެވެ.

Ad by Hajj Corporation

މި އަދަބު އިސްތިއުނާފު ކުރުމުގެ ފުރުސަތު ރޮނާލްޑޯއަށް އޮތް ނަމަވެސް، އޭނާ ވަނީ މާފަށް އެދި، އަދަބު ލިބޭނެ ކަމަށް ގަބޫލުކުރާ ކަމަށް ބުނެފައެވެ. ނޭޝަންސް ލީގުގައި ނޯވޭއާ ދެކޮޅަށް ކުޅުނު މެޗުގައި އޭނާ ކުޅެން ނޭރުވުމުން، ކޯޗު ޖޯޖް ޖީސަސް އެއްބަސްވުމާ ޚިލާފުވި ކަމަށް ބުނެ ރޮނާލްޑޯ ކޭމްޕް ދޫކޮށް ދިޔައީއެވެ. ރޮނާލްޑޯ ނުލައި ކުޅުނު ނަމަވެސް، ޕޯޗުގަލް ވަނީ ކުއާޓާ ފައިނަލަށް ދަތުރުކޮށްފައެވެ.

އޮކްޓޫބަރު 1 އިން ފެށިގެން މި ސަސްޕެންޝަން ގުނަން ފަށާފައިވާއިރު، ނޮވެމްބަރު 14 ގައި ޑެންމާކާ ދެކޮޅަށް ކުޅޭ މެޗަށް ރޮނާލްޑޯއަށް ޓީމާ ގުޅެވޭނެއެވެ.