ދިރާގު ދިވެހި ޕްރިމިއާ ލީގުގައި މިރޭ ބިސް ބުރު ސްޕޯޓްސް ކްލަބް 3-1 އިން ބަލިކޮށް، އެންމެ ފަހުގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަނުން ތާވަލުގެ ތިން ވަނަ އަށް ޖެހިލައިފި އެވެ. މި ނަތީޖާއާ އެކު މާޒިޔާ އަށް ވަނީ ކުޅުނު ފަސް މެޗުން 10 ޕޮއިންޓް ލިބިފަ އެވެ. ދެ ވަނައިގައި އޮތް ކްލަބް އީގަލްސް އަށް ވެސް ހަތަރު މެޗުން 10 ޕޮއިންޓް ލިބިފައިވާއިރު، އެއް ވަނައިގައި ވިކްޓަރީ އޮތީ ފަސް މެޗުން 13 ޕޮއިންޓާ އެކުގަ އެވެ.

ގަލޮޅު ދަނޑުގައި ކުޅުނު މި މެޗުގެ 29 ވަނަ މިނިޓުގައި މާޒިޔާ އިން ލީޑުނެގީ ބިސް ބުރުގެ އަލީ ޝައިހާން ނަސީމް އަތުން ބައިކޮޅަށް ވަން ގޯލުންނެވެ. ނަމަވެސް، 35 ވަނަ މިނިޓުގައި އަހުނަފް މުހައްމަދު ތަސްނީމް (ނަފްކޮ) ވަނީ ބިސް ބުރަށް ނަތީޖާ ހަމަހަމަކޮށްދީފަ އެވެ.

Ad by Hajj Corporation

މާޒިޔާ އިން އަލުން ލީޑު ހޯދީ ދެ ވަނަ ހާފުގެ ކުރީކޮޅު އަބްދުﷲ ލޫތު އިބްރާހިމް (ސާނޭ) ކާމިޔާބުކުރި ލަނޑުންނެވެ. އަދި މެޗުގެ 58 ވަނަ މިނިޓުގައި ބެނިންގެ މިޑްފީލްޑަރު ކޮޑްޖޯ ގޯމޭސް ވަނީ އެ ޓީމުގެ ތިން ވަނަ ލަނޑު ޖަހައި މޮޅު ކަށަވަރުކޮށްދީފަ އެވެ. ބަލިވި ބިސް ބުރު އޮތީ ފަސް މެޗުން ލިބުނު ހަ ޕޮއިންޓާ އެކު ތާވަލުގެ ހަ ވަނައިގަ