އަހަރުގެ މިހާތަނަށް 1.6 މިލިއަން ދަތުރުވެރިން ރާއްޖެއަށް ޒިޔާރަތްކޮށްފިއެވެ. މީގެ ތެރޭގައި ދެ ލައްކައަށް ވުރެ ގިނަ ފަތުރުވެރިންނަކީ ޗައިނާ އިން ރާއްޖެ ޒިޔާރަތް ކުރި ފަތުރުވެރިންނެވެ.

އެންމެ ގިނައިން ފަތުރުވެރިން އަންނަ ޤައުމުތައް:

Ad by Hajj Corporation

1. ޗައިނާ : 235،765 ފަތުރުވެރިން
2. ރަޝިއާ : 176،185 ފަތުރުވެރިން
3. އިނގިރޭސިވިލާތް : 136،081 ފަތުރުވެރިން
4. ޖަރުމަންވިލާތް: 120،380 ފަތުރުވެރިން
5. އިޓަލީވިލާތް : 111،478 ފަތުރުވެރިން

ޓޫރިޒަމް މިނިސްޓްރީން އާއްމުކޮށްފައިވާ ތަފާސް ހިސާބުތައް ދައްކާގޮތުން އަވައްޓެރި އިންޑިޔާއިންވެސް ރާއްޖެއަށް ގިނަ އަދަދެއްގެ ފަތުރުވެރިން ޒިޔާރަތްކުރެއެވެ.

އަދި މި އަހަރު ސަރުކާރުގެ އަމާޒަކީ ދެ މިލިއަން ދަތުރުވެރިން ރާއްޖެ ގެނެސް އާ ރިކޯޑެއް ޤާއިމު ކުރުމެވެ. މިއަމާޒު ހާސިލްކުރުމަށް ދެން ބޭނުންވަނީ ތިންލައްކަ ނުވަދިހަ ހަހާސް ހަތްސަތޭކަ ތޭރަ ފަތުރުވެރިންނެވެ.

ރާއްޖެއަށް އަންނަ ފަތުރުވެރިންގެ އަދަދުތައް އިތުރުކުރުމަށް ސަރުކާރުން ގެންދަވަނީ ގިނަ މަސައްކަތްތަކެއް ކުރައްވަމުންނެވެ.