ވާދަވެރި ލިއޮނަލް މެސީ ފަހަތަށް ޖައްސާލުމަށްފަހު، ތާރީޚުގައި ހޮވުނު އެންމެ މޮޅު ބެލޮންޑިއޯ ކުޅުންތެރިޔާ ނުވަތަ "ބޯޓް" (BOAT - Greatest Ballon d'Or of all time) ގެ އެވޯޑު ޕޯޗުގަލް އަދި ރެއާލް މެޑްރިޑްގެ ލެޖެންޑް ކްރިސްޓިއާނޯ ރޮނާލްޑޯ ކާމިޔާބުކޮށްފިއެވެ. މިކަން ރަސްމީކޮށް އިޢުލާންކޮށްފައިވަނީ ބުދަ ދުވަހުއެވެ.

މި ހަފުތާގެ ކުރީކޮޅު ބޭއްވުނު 2026 ވަނަ އަހަރުގެ ބެލޮންޑިއޯ ހަފުލާގައި މިއަހަރުގެ އެންމެ ޝަރަފުވެރި އެވޯޑު ބަޔާން މިއުނިކްގެ ފޯވާޑް ހެރީ ކޭން ކާމިޔާބުކުރިއިރު، އެ ހަފުލާއާ ގުޅުވައިގެން ސަޕޯޓަރުންގެ މެދުގައި ޚާއްޞަ ވޯޓެއް ކުރިއަށް ގެންދިޔައެވެ. "ދަ ބޯޓް" ގެ ނަމުގައި ކުރިއަށް ގެންދިޔަ މި ވޯޓަކީ ތާރީޚުގައި ބެލޮންޑިއޯ ކާމިޔާބުކުރި އެކި ސީޒަންތަކުގެ ތެރެއިން އެންމެ ފާހަގަކޮށްލެވޭ މޮޅު ކާމިޔާބީއެއް ހޮވުމަށް ސަޕޯޓަރުންނަށް ހުޅުވާލި ފުރުޞަތެކެވެ.

Ad by Hajj Corporation

މި ލިސްޓުގެ ކުރީގައި ވާދަކޮށްފައިވަނީ ދެ ކުޅުންތެރިން އެކުގައި 13 ބެލޮންޑިއޯ ހޯދާފައިވާ ރޮނާލްޑޯ އަދި މެސީއެވެ. މެސީ ވަނީ އޭނާގެ ކާމިޔާބު ކެރިއަރުގައި ރޮނާލްޑޯއަށްވުރެ ތިން ބެލޮންޑިއޯ އިތުރަށް ހޯދާފައި ނަމަވެސް، މި ޚާއްޞަ ވޯޓުން ކުރިހޯދައި އެންމެ މޮޅު ކާމިޔާބީގެ ޝަރަފު ލިބުނީ ރޮނާލްޑޯ އަށެވެ.

ވޯޓުގެ ނަތީޖާ ދައްކާ ގޮތުން ތާރީޚުގައި ދެވުނު އެންމެ މޮޅު ބެލޮންޑިއޯ ކާމިޔާބީގެ ގޮތުގައި ހޮވިފައިވަނީ 2008 ވަނަ އަހަރު ރޮނާލްޑޯ ދެއްކި މޮޅު ކުޅުމާއެކު ހޯދި އެވޯޑެވެ. އަދި މި ލިސްޓުގެ ދެވަނަ ލިބުނީ 2012 ވަނަ އަހަރު މެސީ ހޯދި ބެލޮންޑިއޯ ކާމިޔާބީއަށެވެ.