އިނގިރޭސި ޕްރިމިއާ ލީގުގައި ކްރިސްޓަލް ޕެލަސްގެ މައްޗަށް 2-0 ގެ ނަތީޖާއަކުން ކާމިޔާބު ހޯދައި، ކޯޗު ރޮބާޓޯ ޑި ޒާބީގެ އިރުޝާދުގެ ދަށުން ޓޮޓްނަމް ހޮޓްސްޕާއިން ޖެހިޖެހިގެން ތިންވަނަ މޮޅު ހޯދައިފިއެވެ. ޓޮޓްނަމް ހޮޓްސްޕާ ސްޓޭޑިއަމްގައި ކުޅުނު މި މެޗުގެ ފުރަތަމަ ހާފުގައި ޕެލަސްގެ ފޯވާޑް ޖީން-ފިލިޕް މަޓެޓާއަށް ދެއްކި ސީދާ ރަތްކާޑާ ގުޅިގެން އެ ޓީމުން މެޗުގެ ބޮޑުބައި ފުރިހަމަކުރީ އެއް ކުޅުންތެރިއަކު މަދުކޮށެވެ.

މެޗުގެ 13 ވަނަ މިނެޓުގައި ވެން ޑި ވެންއަށް ކުރި ނުރައްކާތެރި ފައުލަކާ ގުޅިގެން މަޓެޓާއަށް ރަތްކާޑު ދެއްކުމުން، ޓޮޓެންހަމުން ވަނީ އޭގެ ފައިދާ ނަގައި މެޗު ކޮންޓްރޯލްކޮށްފައެވެ. އެގޮތުން 24 ވަނަ މިނެޓުގައި މުހައްމަދު ކުދޫސް ނަގައިދިން ކޯނަރަކުން އާޗީ ގްރޭ ބޮލުން ގޯލުގެ ތެރެއަށް ބޯޅަ ފޮނުވާލައިގެން ޓޮޓެންހަމަށް ލީޑު ނަގައިދިނެވެ.

Ad by Hajj Corporation

ދެވަނަ ހާފުގައި ވެސް މޮޅަށް ކުޅެ ޓޮޓެންހަމުން ފުރުސަތުތައް ތަނަވަސްކުރިއިރު، މެޗުގެ 73 ވަނަ މިނެޓުގައި އެ ޓީމުގެ ދެވަނަ ލަނޑު ކާމިޔާބުކޮށްދިނީ ޔެން ޕައުލް ވެން ހެކޭއެވެ. މިއީ ސީޒަން ދަށްކޮށް ފެށި ޓޮޓްނަމް މޮޅުވުމުގެ ސިލްސިލާއަށް އެއްވި މުހިންމު މޮޅެކެވެ.