އަންނަ އަހަރަށް ލަފާކުރާ ދައުލަތުގެ ބަޖެޓާ ގުޅޭ މަސައްކަތްތައް މުޅިން ނިންމާ، ކޮމިޓީގެ މަރުކަޒީ މަސައްކަތްތަކުގެ ސުންގަޑިއަކަށް މި މަހުގެ 19 ވަނަ ދުވަސް ބަޖެޓު ކޮމިޓީން ކަނޑައަޅައިފި އެވެ.
މި ބަޖެޓާ ގުޅޭގޮތުން ފިނޭންސް މިނިސްޓްރީ ކޮމިޓީއަށް ހާޒިރުކުރުމަށް ހަމަޖެހިފައިވަނީ މި މަހުގެ 9 ވަނަ ދުވަހު އެވެ. މީގެއިތުރުން، އެމްއެމްއޭ އާއި އޮޑިޓާ ޖެނެރަލްގެ ލަފަޔާއި އޮޕީނިއަން ހޯދުމަށް މަޖިލީހަށް ހާޒިރުކުރާނެ ދުވަހެއް ވަރަށް އަჩަށް ކަނޑައަޅާނެ ކަމަށް ބެލެވެ އެވެ.
މިނިވަން މުއައްސަސާތަކުގެ ބަޖެޓާ ގުޅޭގޮތުން، އެ ފަރާތްތަކުން ލިޔުމުން ހުށަހަޅާ ޚިޔާލުތަކަށް ބެލުމަށްފަހު، ކޮމިޓީއަށް ހާޒިރުވެ ޚިޔާލު ހުށަހެޅުމުގެ ފުރުސަތު މުއައްސަސާތަކަށް ދިނުމަށް ކޮމިޓީން ވަނީ ތާއީދުކޮށްފަ އެވެ.
ސަރުކާރުން ރައްޔިތުންގެ މަޖިލީހަށް ހުށަހަޅާފައިވަނީ 59.7 ބިލިއަން ރުފިޔާ ގެ ބަޖެޓެކެވެ. މީގެ ތެރޭގައި 52.6 ބިލިއަން ރުފިޔާ ޚަރަދުކުރަން ކަނޑައަޅާފައިވާއިރު، އޭގެ ތೆރެއިން 42.7 ބިލިއަން ރުފިޔާ (71.5 އިންސައްތަ) އަކީ ރިކަރެންޓް ހަރަދެވެ. އަދި ބަޖެޓުގެ ޑެފިސިޓް 9.4 ބިލިއަން ރުފިޔާގައި ހުންނާނެ ކަމަށް ލަފާކޮށްފައިވެ އެވެ.