އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ސްޓޭންޑިންގ ކޮމިޓީ ފޮރ އިކޮނޮމިކް އެންޑް ކޮމާޝަލް ކޯޕަރޭޝަން (ކޮމްސެކް) ގެ 42 ވަނަ މިނިސްޓީރިއަލް ސެޝަން ހުޅުވުމުގެ ރަސްމިއްޔާތުގައި އޭޝިއާ ސަރަޙައްދުގެ މެންބަރު ޤައުމުތަކުގެ ފަރާތުން މިނިސްޓަރ އޮފް ސްޓޭޓް ފޮރ އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް، ޙުސައިން ޒާމިރު ތަޤުރީރުކުރައްވައިފިއެވެ.

މި ސެޝަންގައި ވާހަކަފުޅު ދައްކަވަމުން ސްޓޭޓް މިނިސްޓަރު ވަނީ އޯއައިސީގެ މެންބަރު ޤައުމުތަކުގެ މެދުގައި ކުރެވޭ ވިޔަފާރީގެ މުޢާމަލާތްތައް މިހާރަށްވުރެ އިތުރުކުރުމަށް ގޮވާލައްވާފައެވެ. އަދި ވިޔަފާރިތަކަށް ފަސޭހައިން އަދި ލުއި ގޮތްތަކެއްގައި މާލީ އެހީތެރިކަން ލިބޭނެ މަގުތައް ފަހިކޮށްދިނުމަކީ މެންބަރު ޤައުމުތަކުގެ އިޤްތިޞާދީ ކުރިއެރުމަށް ކޮންމެހެން މުހިންމު ކަމެއްކަން އެމަނިކުފާނު ފާހަގަކުރެއްވިއެވެ.

Ad by Hajj Corporation

މީގެއިތުރުން، މެންބަރު ޤައުމުތަކުގެ އުފެއްދުންތެރިކަން އިތުރުކުރުމާއި، އިޤްތިޞާދީ އެއްބާރުލުން ވަރުގަދަކުރުމަށް ގުޅިގެން މަސައްކަތްކުރުމުގެ މުހިންމުކަމުގެ މައްޗަށްވެސް ސްޓޭޓް މިނިސްޓަރުގެ ވާހަކަފުޅުގައި އަލިއަޅުއްވާލެއްވިއެވެ.