އިންގްލިޝް ޕްރިމިއާ ލީގުގައި ޓޮޓްނަމް އަތުން 1-0 އިން މޮޅުވެ، މޮޅެއް ނުލިބި ހޭދަކުރި ފަސް މެޗުގެ ސިލްސިލާއަށް ލީޑްސް ޔުނައިޓެޑުން ނިމުމެއް ގެނެސްފިއެވެ. މިމޮޅާއެކު ފަސް މެޗުން ބަލިނުވެ، ލީގުގައި ކުރިޔަށްދާން ނިކުތް ޓޮޓްނަމް ވަނީ މަޑުޖެހިލާފައެވެ.

މި މެޗުގެ ހަމައެކަނި ލަނޑު މެޗުގެ 79 ވަނަ މިނެޓުގައި ކާމިޔާބުކުރީ ބަދަލު ކުޅުންތެރިއެއްގެ ގޮތުގައި ކުޅެން އެރިތާ އެންމެ 97 ސިކުންތުގެ ތެރޭގައި ނޯއާ އޮކަފޯއެވެ. އޮކަފޯ މި ލަނޑު ޖެހީ ރޮޑްރީގޯ ބެންޓަންކޫރު ކައިރިން ނައްޓާލުމަށްފަހު، ކީޕަރު އެންޓޮނިން ކިންސްކީ ފަހަތަށް ބޯޅަ ފޮނުވާލައިގެންނެވެ. މިއީ މި ސީޒަނުގައި ލީޑްސްގެ ބަދަލު ކުޅުންތެރިއަކު ޖެހި ފުރަތަމަ ލަނޑެވެ.

Ad by Hajj Corporation

މެޗުގެ ފުރަތަމަ ހާފުގައި ލީޑްސްގެ ޖޭޑަން ބޯގްލް، ޓޮޓްނަމްގެ މެތިސް ޓެލްއަށް ކުރި ފައުލަކަށް ވީއޭއާރުން ރަތް ކާޑެއް ނުދައްކަން ނިންމި މައްސަލަ ފާހަގަކޮށްލެވުނެވެ. މެޗުގެ ފަހުކޮޅު ރޮބާޓޯ ޑި ޒާބީގެ ޓޮޓެންހަމުން ނަތީޖާ ހަމަހަމަކުރަން ކުރި މަސައްކަތްތައް ލީޑްސްގެ ކީޕަރު ޖޭމްސް ޓްރެފޯޑް ވަނީ ދިފާއުކޮށްފައެވެ.