ޔޫއެފާ ނޭޝަންސް ލީގުގައި ރޭ ކުޅުނު މެޗުން 10 ކުޅުންތެރިންނާއެކު ކުޅުނު ޗެކިއާގެ މައްޗަށް 2-0 އިން ކުރިހޯދައި، ދުނިޔޭގެ ޗެމްޕިއަން ސްޕެއިނުން ގްރޫޕް އޭ3 ގެ އެއްވަނައިގައި ލީޑު ފުޅާކޮށްފިއެވެ. މި ނަތީޖާއާއެކު މުބާރާތުގައި ސްޕެއިން ކުޅުނު ފަސް މެޗުން ވެސް ވަނީ މޮޅުވެފައެވެ.

އަނިޔާގެ ސަބަބުން ލަމީން ޔަމާލް ނުލައި ކުޅުނު ސްޕެއިނަށް މެޗުގެ 39 ވަނަ މިނެޓުގައި ލިބުނު ޕެނަލްޓީއަކުން ލީޑު ނަގައިދިނީ އެލެކްސް ބައޭނާއެވެ. ދެވަނަ ހާފުގައި ޗެކިއާގެ ކެޕްޓަން ލަޑިސްލާވް ކްރެއިޗީއަށް ރަތް ކާޑު ދެއްކުމުން އެ ޓީމަށް އިތުރު އުނދަގޫތަކާ ކުރިމަތިވިއެވެ. މެޗުގެ އިތުރު ވަގުތުގެ 96 ވަނަ މިނެޓުގައި ސްޕެއިންގެ ދެވަނަ ލަނޑު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި މާކް ޕުބިލްއެވެ.

Ad by Hajj Corporation

ލުއިސް ޑެ ލަ ފުއެންޓޭގެ އިރުޝާދުގެ ދަށުން ސްޕެއިން ވަނީ ބަލިނުވެ 43 މެޗު ހަމަކޮށް، ވިދިވިދިގެން 12 މެޗުން މޮޅުވެފައެވެ. ގްރޫޕުގެ އެއްވަނަ ކަށަވަރުކުރުމަށް ސްޕެއިން ދެން ނުކުންނާނީ އަންނަ އާދީއްތަ ދުވަހު މެޑްރިޑުގައި އިންގްލެންޑާ ދެކޮޅަށެވެ.