logo
MPL

MPL

ކުޅިވަރު

އަމިއްލަ ދަނޑުގައި 10 ކުޅުންތެރިންނާ ދެކޮޅަށްކުޅެގެންވެސް ވޯލްޑް ޗެންޕިއަން ސްޕެއިންއަށް އިންގްލަންޑް ހިފަހަށްޓާނުލެވުނު

އަބްދުﷲ ޣާނިމް
16 ނޮވެމްބަރު 2026 - 03:25
ޔަމާލް ރޭގެ މެޗުގައި ޑައިވް ޕެނަލްޓީއެއް ހޯދަނީ
ޔަމާލް ރޭގެ މެޗުގައި ޑައިވް ޕެނަލްޓީއެއް ހޯދަނީ

ވިދިވިދިގެން ބަލިނުވެ 43 މެޗު ހަމަކޮށްފައިވާ ދުނިޔޭގެ ޗެމްޕިއަން ސްޕެއިންގެ މައްޗަށް 2-3 ގެ ނަތީޖާއަކުން ކުރިހޯދައި، 10 ކުޅުންތެރިންނާއެކު ކުޅުނު އިންގްލެންޑުން ނޭޝަންސް ލީގުގެ ގްރޫޕް އޭ3 ގެ އެއްވަނަ މަގާމު ހޯދައިފިއެވެ. މެޑްރިޑްގެ މެޓްރޯޕޮލިޓާނޯ ސްޓޭޑިއަމްގައި ކުޅުނު މި މެޗުގައި އިންގްލެންޑުން ވަނީ ކޯޗު ތޯމަސް ޓުޗެލްގެ އިރުޝާދުގެ ދަށުން މޮޅު ކުޅުމެއް ދައްކާފައެވެ.

ފުރަތަމަ ހާފު ނިމެން ކައިރިވެފައި ވަނިކޮށް ލިބުނު ޕެނަލްޓީއަކުން ހެރީ ކޭން ވަނީ އިންގްލެންޑަށް ލީޑު ނަގައިދީފައެވެ. ދެވަނަ ހާފު ފެށިގެން ކުޑަވަގުތުކޮޅެއްގެ ތެރޭގައި އެޒްރީ ކޮންސާ އަދި ބެން ވައިޓް ކާމިޔާބުކުރި ގޯލުތަކާއެކު، އިންގްލެންޑުން 0-3 ގެ ބޮޑު ލީޑެއް ނެގިއެވެ.

Ad by Hajj Corporation

Ad by Hajj Corporation

ނަމަވެސް ޑިފެންޑަރު ޖަރެލް ކުއަންސާ ހެދި ގޯހެއްގެ ފައިދާ ނަގައި ލަމީން ޔަމާލް ދުއްވައިގަތުމުން، އެލިއޮޓް އެންޑަސަން އޭނާއަށް ކުރި ފައުލަކާ ގުޅިގެން ރަތް ކާޑު ދައްކައި ދަނޑުން ފޮނުވާލިއެވެ. މި ފައުލަށް ލިބުނު ޕެނަލްޓީން މިކެލް އޮޔާޒަބާލް ސްޕެއިނަށް ފުރަތަމަ ގޯލު ޖަހައިދިން އިރު، އޭގެ ކުޑައިރުކޮޅެއް ފަހުން ނިކޯ ވިލިއަމްސް ވަނީ ދެވަނަ ގޯލު ކާމިޔާބުކޮށް ފަރަގު ކުޑަކޮށްފައެވެ.

މެޗުގެ ފަހު ވަގުތުކޮޅުގައި އިތުރުވަގުތުގެ ޑަބަލް ސޭވް ހިމެނޭހެން، ކީޕަރު ޖޭމްސް ޓްރެފޯޑް ދެއްކި ހުނަރުވެރި ސޭވްތަކާއެކު އިންގްލެންޑުން ވަނީ މޮޅު ދަމަހައްޓާފައެވެ. މިއީ 1987 ވަނަ އަހަރަށް ފަހު މެޑްރިޑްގައި ސްޕެއިން ބަލިވި ފުރަތަމަ ފަހަރެވެ.

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

އަމިއްލަ ދަނޑުގައި 10 ކުޅުންތެރިންނާ ދެކޮޅަށްކުޅެގެންވެސް ވޯލްޑް ޗެންޕިއަން ސްޕެއިންއަށް އިންގްލަންޑް ހިފަހަށްޓާނުލެވުނުކުޅިވަރު | 19 މިނިޓު ކުރިންޗެކިއާ ބަލިކޮށް ސްޕެއިނުން ނޭޝަންސް ލީގުގެ ފުރިހަމަ ރެކޯޑު ދަމަހައްޓައިފިކުޅިވަރު | 3 ދުވަސް ކުރިންޔަމާލްގެ މޮޅުކުޅުމާއެކު ވޯލްޑް ޗެންޕިއަން ސްޕެއިނުން 90 މިނެޓުގައި ބަލިނުވެ 40 މެޗު ހަމަކޮށްފިކުޅިވަރު | 2 މަސް ކުރިންގޯޑަން އަދި ކޭންގެ ލަނޑުތަކާއެކު ޗެކިއާ ބަލިކޮށް، ޓުޗެލްގެ އިނގިރޭސިވިލާތުން ފުރަތަމަ މޮޅު ހޯދައިފިކުޅިވަރު | 2 މަސް ކުރިން