ތަރައްގީއަށް އޮތް ހަމައެކަނި އުއްމީދަކީ ރައީސް މުއިއްޒު: އަބްދުއްރަހީމް
16 ނޮވެމްބަރު 2026 - 13:17

ކުރިއަށް އޮތް ރިޔާސީ އިންތިހާބު ރައީސް ޑރ. މުހައްމަދު މުއިއްޒަށް ކާމިޔާބު ކޮށްދިނުމަކީ ގައުމުގެ ހަމަޖެހުމާއި ރައްކާތެރިކަމާއި އަދި ތަރައްގީއަށް އޮތް ހަމައެކަނި މަގު ކަމަށް ޕީއެންސީގެ ރައީސް އަދި ރައްޔިތުންގެ މަޖިލީހުގެ ރައީސް އަބްދުއްރަަހީމް އަބްދުالله ވިދާޅުވެއްޖެ އެވެ.
އަދާލަތު ޕާޓީއާއި ޕީއެންސީން ކޯލިޝަން އެއްބަސްވުމެއްގައި ސޮއިކުރުމަށް މިއަދު ބޭއްވި ރަސްމިއްޔާތުގައި ވާހަކަދައްކަވަމުން އަބްދުއްރަހީމް ވިދާޅުވީ އަދާލަތާއި ޕީއެންސީން އެއްބަސްވުމެއްގައި ސޮއިކުރުމުން ދޭހަކޮށްދެނީ ގައުމުގައި ތިބި ހޭލުންތެރި އަދި ބުއްދިވެރި މީހުން ތިބީ ރައީސް މުއިއްޒުގެ ސަރުކާރާއެކީގައި ކަމެވެ.
.png&w=750&q=75)
Ad by Hajj Corporation
އަބްދުއްރަހީމް ވިދާޅުވީ އިސްލާމު ދީނުގެ އަސާސްތަކުގެ މައްޗަށް ބިނާވެފައިވާ އަދި ރާއްޖޭގައި އެންމެ ދުވަސްވީ އެއް ޕާޓީ ކަމުގައިވާ އަދާލަތު ޕާޓީން ޕީއެންސީއާ އެކު ކޯލިޝަނެއް ހެދުމަށް އެއްބަސްވުމުން ދޭހަކޮށްދެނީ ގައުމުގެ ރައްޔިތުން ރައީސް މުއިއްޒަށް ކުރަމުންދާ އިތުބާރު ކަމަށެވެ.
"މީގެން ދައްކުވައިދެނީ ވަހުމާއި ޝައްކުގެ މަތީގައި ބަޔަކު ތިއްބަސް، ގައުމުގެ ބޮޑުބައި ހަރުދަނާ، ހޭލުންތެރި، ވިސްނުންތެރި، ބުއްދިވެރި މީހުން ތިބީ ރައީސް ޑރ. މުޙައްމަދު މުޢިއްޒުގެ ސަރުކާރާއެކީގަކަން. އެމަނިކުފާނުގެ ސިޔާސަތު ގަބޫލުކޮށްގެންކަން. އެމަނިކުފާނަށް ތާއީދު ދެއްވަންކަން." އަބްދުއްރަހީމް ވިދާޅުވި އެވެ.
އަދާލަތު ޕާޓީގެ ރައީސް އައްޝައިޚް މުހައްމަދު ޝިފާން ވިދާޅުވީ އިސްލާމިކް ފައިނޭންސާއި ޒަކާތު ފަންޑު އިތުރަށް ފުޅާކުރުމަށާއި، ތައުލީމީ ދާއިރާއަށް ގެންނަމުންދާ ބަދަލުތަކުގެ އިތުރުން ގައުމަށާއި ދީނަށް ލޯބިކުރާ ޒުވާން ޖީލެއް ބިނާކުރުމަށް މިސަރުކާރުން ގެންގުޅޭ ސިޔާސަތުތަކާއި، ކުރާ މަސައްކަތްތަކަށް އަދާލަތު ޕާޓީން ފުރިހަމައަށް ތާއީދުކުރާ ކަމަށެވެ.
ޝިފާން އިތުރަށް ވިދާޅުވީ ސަރުކާރާއެކު މަސައްކަތް ކުރަން ނިންމީ އަދުލުވެރިކަމާ އިންސާފުވެރިކަމުގެ މައްޗަށް ބިނާވެފައިވާ އިގުތިސާދެއް ބިނާކޮށް، ދިވެހި ވިޔަފާރިތަކަށް އެހީތެރިވެ، ސަރުކާރުން ކުރަމުންދާ މަސައްކަތްތަކަށް ހިތްވަރު ދިނުމުގެ ގޮތުން ކަމަށެވެ.

-01.jpg&w=3840&q=75)
