ބްރެޒިލް ޖަޕާނުއަތުން ބަލިވުމުގެ ހުރިހާ ރޯޅިއެއް ސިންގަޕޫރާއި ދެކޮޅަށް ބާލައިފި
17 ނޮވެމްބަރު 2026 - 12:56

މިދިޔަ ހަފްތާ ބަންދުގައި ބްރެޒިލް ޖަޕާނާދެކޮޅަށް ކުޅެ ބަލިވުމުން އެކަމުގެ ރޯޅި މިއަދު ހަވީރު ސިންގަޕޫރާއި ދެކޮޅަށް ބާލައިފިއެވެ. އެގޮތުން މިއަދު ސިންގަޕޫރުގައި ކުޅުނު އެކުވެރިކަމުގެ މެޗުގައި ވިނީޝިއުސް ޖޫނިއާ ކާމިޔާބުކުރި ހެޓްރިކާއެކު، ބްރެޒިލުންވަނީ ސިންގަޕޫރުގެ މައްޗަށް 0-7 ގެ ބޮޑު މޮޅެއް ހޯދާފައެވެ.
ޖަޕާނާ ދެކޮޅަށް ކުޅުނު މެޗުގައިވެސް ދެ ލަނޑު ޖެހި ވިނީޝިއުސް، ސިންގަޕޫރު ކޮޅަށް ހެޓްރިކް ފުރިހަމަކުރީ ފުރަތަމަ ހާފުގެ 21 މިނެޓުގެ ތެރޭގައެވެ. ބްރޫނޯ ގިމަރާއެސްގެ ޕާހަކުން ލަނޑު ޖަހަން ފެށި ވިނީޝިއުސްގެ އިތުރުން، އެންޑްރިކް، އެސްޓެވާވް ވިލިއަން އަދި ރަޔާން ވެސް ވަނީ ބްރެޒިލަށް ލަނޑުތައް ޖަހައިދީފައެވެ. އަދި ސިންގަޕޫރުގެ ޑިފެންޑަރު ރައުލް ސުހައިމީ އަތުން ބައިކޮޅަށް ވަން ލަނޑެއްވެސް ހިމެނެއެވެ.
.png&w=750&q=75)
Ad by Hajj Corporation
ޖަޕާން މެޗުގައި ހިނގި ހަމަނުޖެހުންތަކާ ގުޅިގެން ރަތް ކާޑު ދެއްކުމުގެ ސަބަބުން، ކޯޗު ކާލޯ އަންޗެލޮޓީ އާއި ފޯވާޑް ރަފީނިއާ މި މެޗު ބެލީ ސަޕޯޓަރުންގެ ގޮނޑިބަރީގައި ތިބެގެންނެވެ.
އުމުރުން 26 އަހަރުގެ ވިނީޝިއުސް ހާމަކުރި ގޮތުގައި، މި ސީޒަނުގެ ކުރީކޮޅު ރެއާލް މެޑްރިޑުގައި އޭނާގެ ފޯމު ދަށްވީ ފަރިތަކުރުންތަކުގެ ތާވަލަށް އައި ބަދަލުތަކާއި ކްލަބު ބަދަލުކުރުމުގެ ވާހަކަތަކުގެ ސަބަބުންނެވެ. ނަމަވެސް ގައުމީ ޓީމުގައި މިހާރު އޭނާ ދައްކަމުންދާ ކުޅުމާއެކު އޭނާ ވަނީ އަލުން ވަރުގަދަ ފޯމަކަށް އެނބުރި އައިސްފައެވެ.

-01.jpg&w=3840&q=75)
