logo
MPL

MPL

ކުޅިވަރު

ހާލަންޑްގެ ފަހުވަގުތުގެ ޕެނަލްޓީން ޑެންމާކް ބަލިކޮށް ނޯވޭ ކުއާޓާ ފައިނަލަށް

އަބްދުﷲ ޣާނިމް
18 ނޮވެމްބަރު 2026 - 04:23
ހާލަންޑްގެ ފަހުވަގުތުގެ ޕެނަލްޓީން ޑެންމާކް ބަލިކޮށް ނޯވޭ ކުއާޓާ ފައިނަލަށް

މެޗުގެ އިތުރު ވަގުތުގެ ފަހު ސިކުންތުކޮޅުގެ ތެރޭގައި އާލިން ހާލަންޑް ކާމިޔާބުކުރި ޕެނަލްޓީއާއެކު، ފަހަތުން އަރައި 3-2 އިން ޑެންމާކް ބަލިކޮށް ނޯވޭ އިން ޔުއެފާ ނޭޝަންސް ލީގުގެ ކުއާޓާ ފައިނަލުން ޖާގަ ހޯދައިފިއެވެ. ގްރޫޕް އޭ4 ގެ މި މެޗު ކާމިޔާބުކޮށްގެން މެނުވީ ދެވަނަ ބުރަށް ދެވެން ނެތް ނޯވޭ އިން ވަނީ ތާވަލުގެ ދެވަނައަށް ޖެހިލައި، ރެލިގޭޝަން ޕްލޭ-އޮފުން ސަލާމަތްވެފައެވެ.

މެޗުގެ ފުރަތަމަ 14 މިނެޓުގެ ތެރޭގައި ރަސްމުސް ހޮއިލުންޑް އަދި ޕިއޭ އެމީލް ހޮއިބިއާ ކާމިޔާބުކުރި ލަނޑުތަކުން ޑެންމާކުން ވަނީ ދެ ލަނޑުގެ ލީޑެއް ނަގާފައެވެ. ނަމަވެސް، ފުރަތަމަ ހާފު ނިމުމުގެ ކުރިން 37 ވަނަ މިނެޓުގައި މާޓިން އޮޑެގާޑް ތަނަވަސްކޮށްދިން ފުރުސަތަކުން ހާލަންޑް ވަނީ ފަރަގު ކުޑަކޮށްދީފައެވެ.

Ad by Hajj Corporation

Ad by Hajj Corporation

ނޯވޭ އިން ދެއްކި ވަރުގަދަ ކުޅުމާއެކު، މެޗުގެ 83 ވަނަ މިނެޓުގައި އޮޑެގާޑް ވަނީ ލަނޑެއް ޖަހައި ނަތީޖާ ހަމަހަމަކޮށްފައެވެ. އަދި މެޗުގެ 96 ވަނަ މިނެޓުގައި ޑެންމާކްގެ ޔޯކިމް އެންޑަސަންގެ އަތުގައި ބޯޅަ ޖެހުމުން ލިބުނު ޕެނަލްޓީ ގޯލުގެ ތެރެއަށް ފޮނުވާލައިގެން ހާލަންޑް ވަނީ ނޯވޭ އަށް މޮޅު ހޯދައިދީފައެވެ. މިއާއެކު ގައުމީ ޓީމަށް ކުޅުނު 61 މެޗުން ހާލަންޑް ކާމިޔާބުކުރި ލަނޑުގެ އަދަދު ވަނީ 68 އަށް އަރާފައެވެ. މެޗުން އެއްވަރުކޮށްލައިގެން ވެސް ކުރިއަށް ދެވެން އޮތް ޑެންމާކަށް މި ބައްޔާއެކު ދެން ޖެހޭނީ ޕްލޭ-އޮފްގައި ވާދަކުރާށެވެ.

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

ހާލަންޑްގެ ފަހުވަގުތުގެ ޕެނަލްޓީން ޑެންމާކް ބަލިކޮށް ނޯވޭ ކުއާޓާ ފައިނަލަށްކުޅިވަރު | 33 މިނިޓު ކުރިންރޮނާލްޑޯއާއި ހާލަންޑްގެ ކުރިމަތިލުން ނުފެނުނުމެޗުގައި ޕޯޗުގަލްއަށް އުނދަގޫ މޮޅެއްކުޅިވަރު | 2 މަސް ކުރިންހާލަންޑާއި އެމްބާއްޕޭގެ ކުރިމަތިލުމަކަށް މުޅިދުނިޔެ ތައްޔާރުވެފައިވަނިކޮށް ނޯވޭ ބެންޗް ޓީމު ގޮވައިގެން ނިކުމެއްޖެކުޅިވަރު | 5 މަސް ކުރިންހާލަންޑާ ބެހޭގޮތުން ދޮގު މައުލޫމާތު ފެތުރި މައްސަލައިގައި މެންޗެސްޓާ ސިޓީން ގާނޫނީ ފިޔަވަޅު އަޅަނީކުޅިވަރު | 5 މަސް ކުރިން