އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންނަށް 'އޮނަރަބަލް' ލަގަބު ބޭނުންކުރާގޮތަށް ހަމަޖައްސައިފި
19 ނޮވެމްބަރު 2026 - 11:01

އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންނާ މުޚާތަބު ކުރާއިރު މަގާމުގެ ނަމުގެ ކުރިއަށް އޮނަރަބަލްގެ ލަގަބު ބޭނުންކުރަންޖެހޭ ގޮތަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ހަމަޖައްސައިފި އެވެ.
.png&w=750&q=75)
Ad by Hajj Corporation
ޖޭއެސްސީން މިއަދު ނެރުނު ސާކިއުލާއެއްގައި ބަޔާންކޮށްފައިވާ ގޮތުގައި، ދިވެހިރާއްޖޭގެ އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންނާ މުޚާތަބު ކުރަންވާނީ އެ ބޭފުޅެއްގެ މަގާމުގެ ނަމުގެ ކުރިއަށް "އޮނަރަބަލް" ހިމަނައިގެންނެވެ.
މީގެ އިތުރުން ހައި ކޯޓުގެ ފަނޑިޔާރުންނާއި ދަށު ކޯޓުތަކުގެ ފަނޑިޔާރުންނާ މުޚާތަބު ކުރާއިރު، މަގާމުގެ ނަމާއެކު އަލްއުސްތާޒު، އަލްއުސްތާޒާ ނުވަތަ ޑޮކްޓަރުގެ ލަގަބު ބޭނުންކުރަން ޖެހޭނެ ކަމަށް ވެސް އެ ސާކިއުލާގައި ފާހަގަކޮށްފައިވެ އެވެ. އަދި ދިވެހި ބަހުންނާއި އިނގިރޭސި ބަހުން މުޚާތަބު ކުރާއިރު ވެސް މި ލަގަބުތައް ބޭނުންކުރަން ޖެހޭނެ ކަމަށް ޖޭއެސްސީން ވަނީ އަންގައިފަ އެވެ.
މި ބަދަލު ގެނައުމުގެ ކުރިން ޖޭއެސްސީން ހަމަޖައްސާފައި އޮންނަ އުސޫލުގައިވާ ގޮތުން، އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންގެ އިތުރުން އެހެން ކޯޓުތަކުގެ ފަނޑިޔާރުންނާ މުޚާތަބު ކުރާއިރު ހިމަނަންޖެހެނީ ހަމައެކަނި އެ ބޭފުޅެއްގެ މަގާމުގެ ނަމެވެ.

-01.jpg&w=3840&q=75)
