ރާއްޖޭގެ އެކިހިސާބުތަކަށް ވިއްސާރަކޮށް ގުގުރާނެ ކަމަށް މެޓް އޮފީހުން ލަފާކޮށްފި
21 ނޮވެމްބަރު 2026 - 05:02

ކުރިއަށް އޮތް 24 ގަޑިއިރު ރާއްޖޭގެ އެކިހިސާބުތަކަށް ވިއްސާރަކޮށް، ބައެއް ރަށްތަކަށް ގުގުރުން އެކަށީގެންވާ ކަމަށާއި، ވައި ޖެހޭނީ އިރުއުތުރާއި އިރުން ކަމަށް މޯލްޑިވްސް މީޓިއޮރޮލޮޖިކަލް ސާވިސް (މެޓް) އިން ލަފާކޮށްފިއެވެ.
މިއަދު ހެނދުނު 10:00 އިން 22 ނޮވެމްބަރު 2026 ގެ ހެނދުނު 10:00 އަށް ހުޅުލެއަށް މި މުއްދަތުގައި އެކިހިސާބުތަކަށް ވިއްސާރަކޮށް، ދޭތެރެދޭތެރެއިން ގުގުރުން އެކަށީގެންވާކަމަށް ވެސް މެޓް އޮފީހުން ލަފާކޮށްފިއެވެ.
.png&w=750&q=75)
Ad by Hajj Corporation
މެޓް އޮފީހުން އެންގީ ވައި ޖެހޭނެ ކަމަށް ލަފާކުރެވެނީ އިރުއުތުރާއި އިރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި އަދި ކަނޑުތައް އާދައިގެ ވަރަކަށް މަޑުވާނެ ކަމަށް ލަފާކުރެވޭއިރު، ރާޅުގެ އުސްމިން ހުންނާނީ 2 ފޫޓާއި 4 ފޫޓާ ދެމެދުގައެވެ.
މޫސުން ލަފާކޮށްފައިވާ މި މުއްދަތަށް މެޓް އޮފީހުން އެއްވެސް މޫސުމީ އިންޒާރެއް (އެޑްވައިޒަރީއެއް) ނެރެފައެއް ނުވެއެވެ.
މެޓް އޮފީހުގެ ލަފާކުރުންތަކުން ދައްކާ ގޮތުގައި ކަނޑުތައް އާންމު ގޮތެއްގައި މަޑުވި ނަމަވެސް، ވިއްސާރަވެ ގުގުރާނެ ކަމަށް ބެލެވޭތީ، ހާއްސަކޮށް ކަނޑުދަތުރުފަތުރު ކުރުމާއި ބޭރުގައި ހަރަކާތްތައް ރާވާއިރު މޫސުމަށް ސަމާލުވުމަށް ރައްޔިތުންނަށާއި ކަނޑުދަތުރުކުރާ ފަރާތްތަކަށް އިލްތިމާސްކުރެއެވެ.

-01.jpg&w=3840&q=75)
