logo
MPL

MPL

ކުޅިވަރު

އެފްއޭއެމް ވިމެންސް ފުޓްބޯޅަ ލީގު - މާޒިޔާ ބަލިކޮށް ނިއުރޭޑިއަންޓް ތާވަލްގެ އެއްވަނައިގައި ހަމަޖެހިލައިފި

އިޙުސާނާ އިބްރާހީމް
22 ނޮވެމްބަރު 2026 - 13:24
އެފްއޭއެމް ވިމެންސް ފުޓްބޯޅަ ލީގު - މާޒިޔާ ބަލިކޮށް ނިއުރޭޑިއަންޓް ތާވަލްގެ އެއްވަނައިގައި ހަމަޖެހިލައިފި

ވަރުގަދަ މާޒިޔާ ބަލިކޮށް އެފްއޭއެމް ވިމެންސް ފުޓްބޯޅަ ލީގުގެ އެއްވަނަ މަޤާމްގައި ނިއުރޭޑިއަންޓް ސްޕޯޓްސް ކްލަބް ހަމަޖެހިލައިފިއެވެ.

ހެންވޭރު ދަނޑުގައި މިއަދު ހަވީރު ކުޅުނު މެޗް ނިއުރޭޑިއަންޓް ކާމިޔާބުކުރީ ފަސޭހަ ކަމާއެކު 5-0 އިންނެވެ. މިމެޗްގައި ނިއުރޭޑިއަންޓަށް ލަނޑުތަށް ކާމިޔާބުކޮށްދިނީ ބިދޭސީ ކުޅުންތެރިޔާ ސަބީނާ ޚަތުން، ސުމައްޔާ މަޓްޝީމާ، މަރްޔަމް ނޫރާއެވެ. ފަސްލަނޑުގެ ތެރެއިން ސަބީނާ 2 ލަނޑު އަދި ނޫރާ ވަނީ ދެލަނޑު ކާމިޔާބު ކޮށްދީފައެވެ.

Ad by Hajj Corporation

Ad by Hajj Corporation

މެޗްގެ ފުރަތަމަ ހާފްގައި ލިބުނު ހިލޭ ޖެހުމަކުން ނިއުއަށް ފުރަތަމަ ލީޑް ނަގައިދިނީ ސަބީނާ ޚަތުންނެވެ. ދެވަނަ ހާފްގައި ލީޑް ފުޅާކޮށްދިނީ 57ވަނަ މިނިޓްގައި ސުމައްޔާއެވެ. ތިންވަނަ ލަނޑު ނޫރާ ކާމިޔާބުކުރީ އޭގެ 3 މިނިޓް ފަހުންނެވެ. މާގިނަ އިރުތަކެއް ނުވަނީސް ނިއުގެ 4ވަނަ ލަނޑު ކާމިޔާބުކޮށްދިނީ ނޫރާއެވެ. މެވްގެ އިތުރު ވަގުތުގައި ނިއުގެ ފަސްވަނަ ލަނޑު ކާމިޔާބުކޮށްދިނީ ސުމައްޔާއެވެ.

މިމެޗާއެކު ލީގުގައި ނިއުއިން މިހާތަނަށް ކުޅުނު ހުރިހާ މެޗެއް ކާމިޔާބުކޮށް ތާވަލްގެ އެއްވަނައިގައި އޮތީ 9 ޕޮއިންޓާއެކުއެވެ. މިއަދުގެ މެޗުން ބަލިވި މާޒިޔާ ސްޕޯޓްސް އެންޑް ރެކްރިއޭޝަން އޮތީ ކުޅުނު 3 މެޗުން ލިބުނު 6 ޕޮއިންޓާއެކު ތާވަލްގެ ދެވަނައިގައެވެ. މާޒިޔާއަކީ އެންމެ ފަހުގެ ޗެމްޕިއަންޓީމެވެ. ލީގުގެ 3 ވަނައިގައި އޮތީ އެމްއެސް މޭޓްސްއެވެ. ތާވަލްގެ 4ވަނަ ލިބެނީ ދަ ގްރާންޑޭއަށެވެ.

ލީގުގެ އެއްވަނައިގައި އޮތް ނިއުރޭޑިއަންޓް ދެން ނިކުންނާނީ ދަ ގްރާންޑޭއާ ދެކޮޅަށެވެ.

 

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

އެފްއޭއެމް ވިމެންސް ފުޓްބޯޅަ ލީގު - މާޒިޔާ ބަލިކޮށް ނިއުރޭޑިއަންޓް ތާވަލްގެ އެއްވަނައިގައި ހަމަޖެހިލައިފިކުޅިވަރު | 39 މިނިޓު ކުރިންނިއުރޭޑިއަންޓް އާއި ވިކްޓްރީގެ ރަސްވާދައިގެ ފޯރިގަދަ މެޗު މާދަމާރޭކުޅިވަރު | ދުވަހެއް ކުރިންއެފްއޭއެމް ވިމެންސް ލީގު ނިއުރޭޑިއަންޓުން ފެށީ ގަދަކޮށްކުޅިވަރު | 6 ދުވަސް ކުރިންމޯލްޑިވްސް އެކްޕޯގެ ބީޗް ހޭންޑްބޯޅަ މުބާރާތުގެ ޗެމްޕިއަންކަން ނިއުރޭޑިއަންޓް ހޯދައިފިކުޅިވަރު | 22 ދުވަސް ކުރިން