ގުޅީފަޅުން ގޯތި ލިބުނު މީހުންނަށް ލިބޭ ބިން ކަނޑައެޅުމަށް ބާއްވާ ގުރުއަތުލުން ފަށައިފިއެވެ.

ގުރުއަތުލުން ކުރިއަށްދަނީ ދަރުބާރުގޭ ރަންނަބަނޑޭރި މާލަމުގައެވެ. މި ގުރުއަތުގައި މިހާތަނަށް ޕްލޮޓް ހަވާލުކޮށްފައިވާ ފަރާތްތަކާއި، މިހާތަނަށް ޕްލޮޓް ހަވާލުނުކޮށް ތިބި ފަރާތްތަކުގެ އިތުރުން ގިރާވަރު ފަޅުން ލިބިފައިވާ ގޯތިތައް ގުޅީފަޅަށް ބަދަލު ކުރި މީހުންގެ ގުރުއަތުލުންވެސް ކުރިއަށް ދާނެއެވެ.

Ad by Hajj Corporation

ގުރުއަތު ނެގުމަށް ބިން ލިބޭ ފަރާތް ފިޔަވަި އެހެން ފަރާތެއް ހާޟިރުވާން ބޭނުންނަމަ ބިން ލިބޭ ފަރާތުގެ އިއުތިރާޒެއް ނެތް ކަމުގެ ލިޔުމަކާއި އައިޑީކާޑުގެ ކޮޕީއެއް ގެންދަން ވާނެކަމަށް ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ވަނީ ވިދާޅުވެފައެވެ.

ގުޅީ ފަޅުން 3520 ގޯތި ދޫކުރުން ނިންމާފައިވާއިރު މި ފަރާތުގެ ގުރުއަތު ނެގުމުގެ ކަންކަން ކުރިއަށް ދަނީ ގެދޮރުވެރިކަމާ ބެހޭ ވުޒާރާއިން އެކުލަވާލާފައިވާ ލިސްޓުގައިވާ ތަރުތީބުންކަމަށް އެ ވުޒާރާއިން ބުނެއެވެ. އަދި ގުރުއަތުލުމުގެ ކަންކަން ބަލަން ވަނުމުގެ އިންތިޒާމް އެ ވުޒާރާއިން ވަނީ ހަމަޖައްސަވާފައެވެ.