ދިވެއްސަކު ފުރަތަމަ ފަހަރަށް މިސް ޔުނިވާރސް މުބާރާތުގައި ވާދަކުރުމަށް ތައްޔާރުވެއްޖެއެވެ.

ދުނިޔޭގެ އެންމެ ރީތި އަންހެނުން ހޮވާ މި މުބާރާތުގައި ވާދަކުރަނީ އުމުރުން 21 އަހަރުގެ މަރިޔަމް ޝައިނާ ނަސީމެވެ.

އިންޑިއާގައި ހުންނަ މެކްސިކޯ އެމްބަސީއިން އެކްސްގައި ކުރި ޕޯސްޓެއްގައި ބުނެފައިވަނީ މިސް ޔުނިވާސްގައި ވާދަކުރުމަށް މަރިޔަމް ޝައިނާ ނަސީމަށް ވިސާ ހަމަޖައްސައިދީފައިވާ ކަމަށެވެ.

މިއަހަރުގެ މުބާރާތުގައި 130 ގައުމަކުން ވާދަކުރެއެވެ. މީގެ ތެރެއިން ޝައިނާ، މިސް ޔުނިވާސްގައި ވާދަކުރަނީ 108 ވަނަ ބައިވެރިޔާގެ ގޮތުގައެވެ.

މިއީ ދިވެހިރާއްޖެއިން މިސް ޔުނިވާސް މުބާރާތުގައި ބައިވެރިވާ ފުރަތަމަ ފަހަރެވެ.

މިސް ޔުނިވާސް މުބާރާތަކީ ކޮންމެ އަހަރަކު ބޭއްވޭ، ދުނިޔޭގެ އެންމެ މަޝްހޫރު ސަގާފީ މުބާރާތްތަކުގެ ތެރެއިން އެއް މުބާރާތެވެ. މި މުބާރާތުގައި ބައިވެރިވާ ފަރާތްތަކުން އެމީހުންގެ ޤައުމުުމު ތަމްސީލުކޮށް، އެ ޤައުމުގެ ސަގާފަތާއި އާދަކާދަ ދައްކުވައިދެއެވެ.