ރ. ޅާނުބަލިގައި ފަތުރުވެރިކަމަށް ރިސޯޓު ތަރައްގީ ކުރަން ފަތުރުވެރިކަމާ ބެހޭ ވުޒާރާއިން ހުޅުވާލައިފިއެވެ.

ފަތުރުވެރިކަމާ ބެހޭ ވުޒާރާއިން އިން ކުރި އިއުލާނެއްގައި ބުނީ  ފަތުރުވެރިކަމަށް ދޫކުރަން ކަނޑައަޅާ ރަށްރަށުގެ ލިސްޓަށް ޅާނބުގަލި އިތުރުކޮށް އެ ރަށް ތަރައްގީ ކުރަން ޝައުގުވެރިވާ ފަރާތްތަކަށް ޕްރޮޕޯސަލް ހުށަހަޅަން ހުޅުވާލާ ކަމަށެވެ.

Ad by Hajj Corporation

އެގޮތުން އެ2.66 ހެކްޓަރުގެ ބޮޑު އެ ރަށުގައި ރިސޯޓު ހަދަން ހުޅުވާލާއިރު، ލޭންޑް އިކިއުޒިޝަން ކޯސްޓުގެ ގޮތުގައި. 1.6 މިލިއަން ޑޮލަރު ދައްކަންޖެހެއެވެ.

މި ރަށާއެކު، މިވަގުތު ވެސް ޖުމްލަ 14 ރަށެއްގައި ރިސޯޓު ތަރައްގީ ކުރަން އެ ވުޒާރާއިން ވަނީ ހުޅުވާލާފައެވެ. އެގޮތުން އެރަށްތަކަކީ:

• ހދ. ވައިކަރަމުރައިދޫ
• ށ. ކުޑަޅައިމެންދޫ
• ރ. ދިއްކުރެއްދޫ
• ޅ. ދިއްފުށި (ޅ. މައިދޫއާ އެކު)
• ކ. ހިއްމިއްޔާ ފަޅު 
• އއ. އަލިކޮއިރަށް
• ތ. ގާލީ (އެ އަތޮޅުގެ އެހެން ރަށަކާ އެކު)
• ތ. ރުއްތިބިރަށް
• ތ. ކަނިމީދޫ
• ލ. ކަށިދޫ 
• ލ. ބޮޑުމުންޏަފުށި
• ގއ. ބޭރުމައުޑޫ
• ގދ. ކަޅެހުއްޓާ
• ކ. އަތޮޅުގެ ފަޅެއް

މި ސަރުކާރުގެ އަމާޒަކީ މި އަހަރުގެ ތެރޭގައި އާ 20 ރިސޯޓު މާކެޓަށް ނެރުން ކަމަށާއި އެއާއެކު ޓޫރިޒަމް ދާއިރާ އަށް 2،857 އެނދު އިތުރުވާނެ ކަމަށް ރައީސް މުޢިއްޒު ވަނީ މީގެ ކުރިން ވިދާޅުވެފައެވެ.