ޕަބްލިކް ސަރވިސް މީޑިއާ (ޕީއެސްއެމް) އިން, މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސް އަހްމަދު މުސްތަފާގެ ވަޒީފާ އަނބުރާ އިޔާދަކޮށްފިއެވެ.

އެމްއެމްސީގެ ރައީސް މުސްތަފާގެ ވަޒީފާ އަނބުރާ އިޔާދަކުރުމަށް ނިންމާފައިވަނީ ޕީއެސްއެމްގެ ބޯޑުގެ ބައްދަލުވުމެއްގައި ކަމަށް މަޢުލޫމާތު ލިބިފައިވެއެވެ.

Ad by Hajj Corporation

މުސްތަފާ މަގާމުން ދުރުކުރީ މީޑިއާ ކައުންސިލުގެ 11 ވަނަ ނޫސްވެރިކަމުގެ އެވޯޑު ހަފުލާގެ ލައިވް ކަވަރޭޖުގައި ޕީއެސްއެމްގެ ކޮންޓެންޓާއި ޚިލާފް ވީޑިއޯއެއް ދެއްކުމުގައި މީޑިއާ ކައުންސިލްގެ ނުރަނގަޅު ނިޔަތް އޮތުމުން އެކަމާއި ގުޅިގެންނެވެ.

ވަޒީފާއިން ވަކިކުރުމުން މުސްތަފާ ވަނީ އެކަން ހިނގާދިޔަގޮތާއި އެކަމުގައި އޭނާގެ ދައުރު އޮތްގޮތް ސާފުކޮށް ދިނުމަށް ޕީއެސްއެމްގެ ބޯޑަށް ހުށަހެޅުމެއް ހުށަހަޅައި، ބޯޑުގެ ނިންމުން މުރާޖައާ ކޮށްދިނުމަށް އެދިފައެވެ.

މި ހުށަހެޅުމާއި ގުޅިގެން ޕީއެސްއެމްގެ ބޯޑުން ވަނީ އިންސާފުވެރި ނިންމުމެއް ނިންމައި މުސްތަފާގެ ވަޒީފާ އިޔާދަކޮށްފައެވެ.

މުސަތަފާ އަކީ އެ ކުންފުނީގެ ޓެކްނިކަލް އޮޕަރޭޝަންސް މެނޭޖަރުގެ މަގާމު ފުރުއްވަމުން ގެންދަވާ ބޭފުޅެކެވެ.