ފަހުވަޤުތު ސަވިޗް ޖެހިލަނޑާއެކު ސަޢޫދީ ލީގުގެ ރައުންޑް 9 އެއްގައި އަލް ނަޞްރު އާއި އަލް ޙިލާލް ބައްދަލުކުރި ޑާބީ މެޗު އެއްވަރުވެއްޖެއެވެ. މިއާއެކު އަލް ޙިލާލުން މި ސީޒަންގައި ލީގުގައި ދަމަހަށްޓަމުން އައި 100% މޮޅުވުމުގެ ރެކޯޑްވަނީ ނިމިގެން ގޮސްފައެވެ. އަލް ޙިލާލް ވަނީ ސަޢޫދީ ޕްރޯ ލީގުގައި މީގެ ކުރިން ކުޅެވުނު 8 މެޗުން މޮޅުވެ ތާވަލްގެ އެއްވަނައިގައި ހިފަހަށްޓާލާފައެވެ.

 އަލް ނަޞްރުގެ އަލް އައްވަލް ޕާކުގައި ކުޅެވުނު ޑާބީ މެޗުގެ ފުރިހަމަ ވަޤުތު ހަމަވީ 1-1 އިން އެއްވަރުވެގެންނެވެ. މިއާއެކު މި ދެޓީމު އެންމެ ފަހުން ބައްދަލުކުރި 6 މެޗުގެ ތެރެއިން އެއްވެސް މެޗަކުން އަލް ނަޞްރު މޮޅުވެފައި ނުވެއެވެ. އަދި މީގެތެރެއިން 5 މެޗުން އަލް ޙިލާލް ވަނީ މޮޅުވެފައެވެ.

މެޗު ފަށައިގެން ފުރަތަމަ މިނެޓުގައި ޓަލިސްކާ ވަނީ އަލް ނަޞްރަށް ލީދުނަގާދިފައެވެ. ހަމަހަމަ ކުޅުމުއް ފެނިގެން ދިޔަ މި މެޗުގައި ދެފަރާތުންވެސް ވަނީ ގޯލްޖަހަން ގިނަ ފުރުޞަތުތަކެއްލިބި ބޭކާރުކޮށްލާފައެވެ. މި މެޗުގައި އަލް ޙިލާލްގެ ހަމައެކަނި ގޯލް އެޓީމަށް ކާމިޔާބުކޮދިނީ  77 ވަނަ މިނެޓުގައި ސަވިޗްއެވެ.

އަނިޔާގެ ސަބަބުން ސީޒަންފެށި ނޭމާ، މި ސީޒަނަށް ސަޢޫދީ ލީގުގައި ރެޖިސްޓްރީވެފައިނުވާތީ މި މެޗުގައި ޓީމު ލިސްޓުގައި ނޭމާ ހިމެނިފައިނުވެއެވެ. ނޭމާ އަށް އެންމެ އަވަހަށްވެސް ސަޢުދީ ޕްރޯ ޅިގު މެޗެއްކުޅެވޭނީ ޖެނުއަރީ ޓްރާންފާރ ވިންޑޯގައި ލީގުގައި ރެޖިސްޓްރީ ކޮށްގެންނެވެ.  

މެ މެޗުންލިބުނު 1 ޕޮއިންޓާއެކު އަލް ހިލާލްވަނީ ލީގުގެ އެއްވަނަގައެވެ. އަދި މި ސިޒަންގައި ލީގުގައި އެއްވެސް މެޗަކުން ބަލިނުވާ އަލް ނަޞްރު އޮތީ ތާވަލުގެ ތިންވަނައިގައެވެ.