ޔުއޭފާ ޗެންޕިއަންސް ލީގުގެ ރައުންޑް 4 އެއްގައި ސާބިއާގެ ރެޑް ސްޓާ ބެލްގްރޭޑް ބަލިކޮށް ބާސެލޯނާ ޔުއޭފާ ޗެންޕިއަންސް ލީގުގެ ތާވަލުގެ 6 ވަނަ އަށް ޖެހިލައިފިއެވެ. ރެޑް ސްޓާ ގެ އަމިއްލަ ދަނޑުގައި ކުޅެވުނު މި މެޗު ބާސެލޯނާއިން ކާމިޔާބުކުރީ 2-5 އިންނެވެ.

މި މެޗުގައި ބާސެލޯނާގެ ލެވަންޑޮވްސްކީ ވަނީ ދެގޯލު ޖަހާފައެވެ. މިއި ޗެންޕިއަންސް ލީގުގައި ލެވަންޑޮވްސްކީ ޖެހި 5 ވަނަ ގޯލެވެ. މި އާއެކު ލެވަންޑޮވްސްކީ ވަނީ މި ސީޒަނުގައި 17 މެޗުން 20 ގޯލު ޖަހާފައެވެ. ރޭގެ ގޯލާއެކު އޭނާވަނީ ޗެންޕިއަންސް ލީގުގެ ގޯލު ޗާޓުގެ އެއްވަނައަށް އަރާފައެވެ. މި މެޗުގައި ބާސެލޯނާގެ ޑިފެންޑަރ ކުންޑޭ ވަނީ 3 އެސިސްޓް ހަދާފައެވެ.   

Ad by Hajj Corporation

ރޭގެ މޮޅާއެކު ބާސެލޯނާއިން ވަނީ މި ސީޒަންގައި ކުޅުނު 16 މެޗުން 55 ގޯލުޖަހާފައެވެ. އަދި އެޓީމުވަނީ ޔޫރަޕުގެ އެންމެ ބޮޑު 5 ލީގުގައި މި ސީޒަންގައި އެންމެ ގިނަ ގޯލް ޖެހުމުގެ ރެކޯޑް ހަދާފައެވެ.

ނިމިދިޔަ ޓްރާންފާ ގައި ކޯޗުކަމާ ހެންސީ ފްލިކް ހަވާލުވިފަހުން ޒުވާން ސްކޯޑަކާއެކު ބާސެލޯނާއިން އަންނަނީ މޮޅު ކުޅުމެއް ކުޅެމުންނެވެ. އެގޮތުން ބާސެލޯނާ މިހާރުވެސް އޮތީ ސްޕެނިޝް ލަލީގާގެ އެއްވަނައިގައެވެ.