އެމްޑީޕީ އުޅެނީ ކޮރަޕްޝަނުގެ މައްސަލަތައް ބަލައި ފިޔަވަޅުއަޅާފާނެތީ ބިރުން : އައިފާން

މެމްބަރު އައިފާން މެންދުރު ޓީވީގެ މައުޟޫ ޕްރޮގްރާމްގައި

10 ނޮވެމްބަރު 2024 - 11:48
ކުރިން ކޮށްފައިވާ ވައްކަންތައް ބަލައި ފިޔަވަޅުއަޅާފާނެތީ އެމްޑީޕީން ބިރުން އުޅޭކަމަށް ހެންވޭރު އުތުރު ދާއިރާގެ މެންބަރު އަހްމަދު އައިފާން ވިދާޅުވެއްޖެއެވެ.
މެމްބަރު މިފަދައިން ވިދާޅުވީ މެންދުރު ޓީވީގެ މައުޟޫ ޕްރޮގްރާމުގައި ވާހަކަފުޅު ދައްކަވަމުންނެވެ.
މެމްބަރު ވިދާޅުވީ ސަރުކާރުން އެންމެ ހާއްސަ އިސްކަމެއްދީގެން މަސައްކަތްކުރަމުން އަންނަނީ ދައުލަތަށް ގެއްލިފައިވާ ފައިސާ އަނބުރާ ހޯދުމަށްކަމަށެވެ. އެއްވެސް މީހަކަށް ރައްޔިތުންގެ ފައިސާގައި ޖެހުމަށްފަހު އެ ފައިސާ ނުދައްކައި ނުހުރެވޭނެކަމަށާއި އެ ފައިސާ ހޯދަން އޮތް ގޮތަކަށް ހޯދާނެކަމަށް މެމްބަރު ވިދާޅުވިއެވެ. މެމްބަރު ވިދާޅުވީ އެމްޑީޕީ ސަރުކާރުގައި ރައްޔިތުންގެ ފައިސާގައި ޖެހިގެން ހިންގާފައިވާ ކޮރަޕްޝަންުގެ މައްސަލަތައް ބަލާފާނެތީ މިހާރު ބިރުން އުޅޭކަމަށެވެ.
" އާޑްސީގައި ކުރި ވައްކަންތައްވެސް ބުނީ ބަލާށޭ ނުހުންނާނެއޭ ވައްކަން ކޮށްފައެއް. ވައްކަންކުރާ މީހާ ބުނާނެ ވައްކަމެއް ނުކުރަމޭ. މާތް ބައެއްކަމަށް ދައްކަން އެހެން އެ ކިޔަނީ. މިއަދު އެބަ އެނގޭ ރައްޔިތުންގެ ފައިސާއަށް ހިޔާނާތްތެރި ވެފައިކަން ތިބީ. އެ މައްސަލަތައް މި ސަރުކާރުން ބަލާނެކަން އެބޭފުޅުންނަށް އެނގޭނެތީ ބިރުން މިހާރު އެ އުޅެނީ".
އެމްޑީޕީން ވެރިކަން ނިންމާފައި ދިޔައީ މުޅި މާލިއްޔަތު ހަލާކުކޮށްލާފައިކަމަށާއި އެކަން މި ސަރުކާރުން ބަދަލުކުރާނެކަމަށް އައިފާން ވިދާޅުވިއެވެ. އައިފާން ވިދާޅޫވީ ކޮންމެ ވެރިއަކަށް ދައުލަތުގެ މާލިއްޔަތާ ކުޅުމުގެ ފުރުސަތު ބަންދުކުރަން މިހާރުވެސް މި ސަރުކާރުން މަސައްކަތް ކުރަމުން އަންނަކަމަށެވެ.
އިތުރު ލިޔުންތައް

އައު އުސޫލުގެ ސަބަބުން ވަގަށް ޕާޓީތަކަށް ވެއްދުމަށް ހުރަސްއެޅޭނެ: ފުއާދު
6 މަސް ކުރިން
ބަޖެޓުން ކުރި ބޮޑު އިސްރާފަށް ޒިންމާވާނެ ބަޔަކު ނެތިފައި
6 މަސް ކުރިން
ޤައުމީ ލޯބި ކަމަށްދައްކާ ބުހުތާނުގެ އަހުލުން
6 މަސް ކުރިން