2025 ވަނަ އަހަރުގައި އިގްތުސާދީ ދުވެލި 6.4 އިންސައްތައަށް އިތުރުވާނެކަމަށް، ދައުލަތުގެ ބަޖެޓު ޕޮޒިޝަން ރިޕޯޓުން އަންދާޒާކޮށްފިއެވެ.

2022 ވަނަ އަހަރު ކޮވިޑްއަށްފަހު، ރާއްޖޭގެ އިގްސާދު ކުރިން އޮތް ހާލަތަށް ރުޖޫއަވުމަށްފަހު، 2023 ވަނަ އަހަރުގެ އިގްތިސާދީ ދުވެލިވަނީ މަޑުޖެހިފައެވެ.

2022 ވަނަ އަހަރު 13.8 އިންސައްތައަށް ކުރިއެރުމަށްފަހު، 2023 ކުރިއަރާފައިވަނީ ހަމައެކަނި 4.7 އިންސައްތައެވެ.

މި ކަމަށް ހައްލެއް ގެނައުމުގެ ގޮތުން، މި އަހަރާ އަންނައަހަރަށް ރާވައިފައިވާ ފިސްކަލް ކޮންސޮލިޑޭޝަން ސިޔާދަތުގެ ސަބަބަުން އިގްތިސާދީ ބައެއް ސިނާޔަތްތަށް މަޑުޖެހުމަކީ އެކަޝީގެންވާ ކަމެށް ކަމަށް މި ރިފޯޓުން ފާހަގަކުރެއްވިއެވެ.

ފިސްކަލް ކޮންސޮލިޑޭޝަން ސިޔާދަތު ނުގެންނަނަމަ ރާއްޖޭގެ އިގްތިސާދްއަށް މާ ބޮޑެތި ހިރާސްތަކެތް ކުރިމަތިވެދާނެކަމަށް ފާހަގަކޮށް، މި ހާލަތުގައި މިމަގުން ކުރިޔަށް ދިޔުމުގެ މުހިންމުކަންވެސް، މި ރިޕޯޓުން ދޭހަވިއެވެ.

މީގެއިތުރުން، 2025 އާއި 2027 ރާއްޖޭގެ އިގްތިސާދީ ކުރިއެރުން އެވެރޭޖްކޮށް 5.9 އިންސައްތައިގައި ހުންނާނެކަމަށްވެސް ރިޕޯޓުން ހާމަވިއެވެ.

ވެލާނާ އިންޓަރްނޭޝަނަލް އެއަރްޕޯޓުގައ އާ ޕަސެންޖެރް ޓާރްމިނަލް އަންނަ އަހަރު ބޭނުންކުރަން ފެށުމާ ގުޅިގެން އިތުރު ފްލައިޓްތަށް އެއަރްޕޯރޓްއަށް ދަތުރުކުރުމަށް ފުރުސަތުފަހިވެ، ޓުއަރިސްޓް އެރައިވަލްސް އިތުރުވެ، ފަތުރުވެރިކަން އަދި އެ ސިނާޔަތާއި ގުޅުންހުރި އެހެނިހެން ދާއިރާތަކަށް އަންނާނެ ކުރިއެރުމާ ގުޅިގެން ރާއްޖޭގެ އިގްތިސާދީ ދުވެލި ބާރު ވާނެކަމަށް އަންދާޒާކުރެވެއެވެ.