ފްރާންސްގެ ފުޓްބޯޅަ ކްލަބްތަކުގެ މާލީ ކަންކަން ބަލަހައްޓާ ފަރާތް ކަމުގައިވާ ޑީއެންސީޖީ އިން ފްރާންގެ ފުރަތަމަ ޑިވިޝަންގެ އޮލިމްޕިކް ލިޔޯންއަށް ހަރުކަށި އަދަބުތަކެއް ކަނޑައަޅައިފިއެވެ. މިގޮތުން ލިޔޯން ކްލަބް ދެވަނަ ޑިވިޝަނަށް ރެލިގޭޓް ކުރުމާއި ކުޅުންތެރިން ގަތުން މަނާކުރުން ހިމެނެއެވެ.

ޖޯން ޓެކްސްޓަރގެ އީގަލް ފުޓުބޯޅަ ގްރޫޕްގެ މިލްކިއްޔާތުގައިވާ ލިޔޯން ގެ ދަރަނި 458 މިލިއަން ޔޫރޯއިން 508 މިލިއަން ޔޫރޯއަށް އިތުރުވެފައިވާކަމަށް ރިޕޯޓުތަކުގައި ބުނެއެވެ. މިކަމާ ގުޅިގެން ޓެކްސްޓަރ ބުނެފައިވަނީ ލިޔޯންގެ އޭނާގެ ފުޓްބޯޅަ ގްރޫޕްގައި ހިމެނޭ ބްރެޒިލްގެ ބޮޓަފޯގޯގެ ކުޅުންތެރިން ވިއްކައިގެންނާއި، ކްރިސްޓަލް ޕެލަސްގެ 45 އިންސައްތަ ހިއްސާ ވިއްކައިގެން ލިޔޯންގެ މާލީ ހާލަތު ރަނގަޅު ކުރެވޭނެ ކަމަށެވެ.

މިހާރު އޮތް ގޮތުން، މި ސީޒަން ނިމުމުގެ ކުރިން ލިޔޯންގެ މާލީ ހާލަތު ރަނގަޅު ނުވެއްޖެނަމަ، އެ ކްލަބް ލީގް 2 އަށް ފޮނުވާލެވޭނެއެވެ.