ނޫސްވެރިންގެ ކަންބޮޑުވުންތަކަށް ހައްލު ހޯއްދަވައިދެއްވާނެ ކަމުގެ ޔަގީންކަން ބަންޑާރަނައިބު އަހުމަދު އުޝާމް ދެއްވައިފިއެވެ.

އުޝާމް މިފަދަ ޔަގީންކަން ދެއްވީ މަޖިލީހަށް ހުށަހެޅިފައިވާ މޯލްޑިވްސް މީޑިއާ އެންޑް ބްރޯޑްކާސްޓިން ބިލާ ބިލާ ގުޅޭ ގޮތުން ހުރި ޝަކުވާތައް އަޑުއައްސަވައި ވާހަކަފުޅު ދައްކަވަމުންނެވެ.

Ad by Hajj Corporation

ބަންޑާރަނައިބު މިއަދު ވަނީ މޯލްޑިވްސް ޖާނަލިސްޓް އެސޯސިއޭޝަންއާ ބައްދަލުކުރައްވައި، މަޖިލީހަށް ހުށަހެޅިފައިވާ މޯލްޑިވްސް މީޑިއާ އެންޑް ބްރޯޑްކާސްޓިންގ ބިލާ ބިލާ ގުޅޭ ގޮތުން ހުރި ޝަކުވާތައް އަޑުއައްސަވާފައެވެ.

މިބައްދަލުވުމުގައި ބަންޑާރަނައިބުގެ އިތުރުން، ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވަޒީރު އިބްރާހީމް ވަޙީދާއި، މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ސްޓްރެޓީޖިކް ކޮމިއުނިކޭޝަން އިބްރާހީމް ޚަލީލް ބައިވެރިވެ ވަޑައިގެންނެވިއެވެ.

ނޫސްވެރިކަމުގެ މިނިވަންކަން ކުރިއެރުވުމަކީ، މި ބިލުގެ އިސް އެއް މަގްސަދު ކަމަށް ބަޔާންކޮށްފައިވާއިރު، ބިލުގެ އެންމެހައި މާއްދާތަކެއް ފަރުމާކޮށްފައިވަނީ، ނޫސްވެރިންގެ މަސައްކަތުގައި އެފަރާތްތަކަށް އޮންނަ އެންމެހައި މިނިވަންކަމެއް ހަނިވެގެންދާގޮތަށްކަމަށްބުނެ ގިނަ އަދަދެއްގެ ނޫސްވެރިން އަންނަނީ ކަންވޮޑުވުން ފާޅުކުރަމުންނެވެ.

ގިނަ އަދަދެއްގެ ނޫސްވެރިންނާއި، ސިޔާސީ ޕާޓީތަކާއި އަދި އާއްމު ރައްޔިތުންވެސް އަންނަނީ މި ބިލާމެދު ނުރުހުން ފާޅުކުރަމުންނެވެ.