އާ އިސްލާހުތަކުން މެންބަރުން އެއްވެސް ޕާޓީއަކަށް ވިކިގެން ނުދާނެކަމުގެ ޔަގީންކަން ރައްޔިތުންނަށް އޮންނާނެކަމަށް ފޭދޫ ދާއިރާގެ މެންބަރު އިބްރާޙީމް ދީދީ (އައިބީ) މިއަދު ވިދާޅުވެއްޖެއެވެ.

އައިބީ މިހެން ވިދާޅުވީ، ސަރުކާރުގެ ފަރާތުން، ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހެޅުއްވި ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް އިޞްލާޙު ގެނައުމުގެ ބިލު ބަހުސްގައި ވާހަކަ ދައްކަވަމުންނެވެ.

Ad by Hajj Corporation

އައިބީ ވިދާޅުވީ ރައްޔިތުންގެ މަޖިލީހުގެ މެންބަރުން ނަޒާހަތްތެރި މެންބަރުންނަށް ވާންޖެހޭކަމަށެވެ. އެހެންކަމު އެ އިސްލާހްތަކަށް ތާއީދު ކުރަށްވާކަމަށް ވިދާޅުވިއެވެ.

އެންޓި ޑިފެކްޝަން ޤާނޫނަކީ އެމްޑީޕީން ފާސްކުރި ޤާނޫނެއްކަން ފާހަގަކުރަށްވައި، އައިބީ ވިދާޅުވީ، އެންޓ-ިޑިފެ ކްޝަންގެ ޤާނޫނު މިހާރު މި އޮތް ގޮތުން، އެ ގާނޫނަށް ޢަމަލުކުރަމުންދާއިރު މި ގާނޫނަށް ޤާނޫނުއަސާސީން ބާރުތަކެއް ލިބިގެން ނޫނީ، މިހާރު ޤާނޫނުއަސާސީން މި ލިބިފައިވާ މުހިންމު ޙައްޤު ތައް ރައްޔިތުންނަށް ލިބިދާނެ ކަމަކަށް ގަބޫލު ނުކުރެއްވޭ ކަމަށެވެ.

''އިއްޒަތްތެރި މެންބަރުންނަށް ދިވެހި ރައްޔިތުން އިނގިލި ދިއްކުރަން ފުރުޞަތު ލިބިގެން ނުވާނޭ، އަޅުގަނޑުމެންނަށް ހިތަށްއެރި ކޮންމެ ވަގުތެއްގައި ޕާޓީ ބަދަލުކުރުމާއި އަދި އެއް ޕާޓީން އަނެއް ޕާޓީއަށް ދިއުމާއި އަދި ތިމަންނަ އިންތިޚާބުކުރެވުނު ޕާޓީގެ ސިޔާސަތާއި އަދި ރައްޔިތުންގެ ވިސްނުމާ ޚިލާފަށް ޕަޓީތަކުގައި ވޯޓުދީ އަދި ދިވެހިރާއްޖޭގެ އެކި ގޮތްގޮތުން އެކި ޕާޓީތަކުންނާއި އަދި އެކިއެކި ވިޔަފާރިވެރިންގެ ނުފޫޒު ރައްޔިތުންގެ މަޖިލީހުގެ މެންބަރުންނަށް އޮވޭ، އެ ޕާޓީތަކުން ވެރިކަންކުރަން ރައްޔިތުންނަށް ބޭނުންވާ ގޮތާއި ވެރިކަން ނުކުރެވޭ ގޮތް މެދުވެރިވުމަކީ އެއީ އަޅުގަނޑުމެން ގަބޫލުކުރާ ސިޔާސަތެއް ނޫން،'' އައިބީ ވިދާޅުވެފަވެއެވެ.

''އެހެންވީމ،ާ މިއަދު މި ހުށަހެޅިފައިވާ އިޞްލާޙަކީ ޤާނޫނުއަސާސީން އެންޓ-ި ޑިފެކްޝަން ގާނޫނުއަށް އަޅުގަނޑަށް ގަބޫލުކުރާ ގޮތުގައި އިތުރު ބާރުތަކެއް ލިބ،ި ރައްޔިތުންގެ މަޖިލީހުގެ މެންބަރުންގެ ނަޒާހަތްތެރިކަން އިތުރުވެގެންދާނެ ކަމެއް ކަމަށް އަޅުގަނޑަށް ޔަގީންކުރެވޭތީވެ އިއްޒަތްތެރި ރައީސ،ް މި އިޞްލާޙަށް އަޅުގަނޑު ތާއީދުކުރަން.'' އައިބީ އިތުރަށް ވިދާޅުވިއެވެ.