90 ޕްލަސް ގޯލްޑް ކަޕް ގައި ތިމަރަފުއްޓާއި ވާދަކޮށް އޭދަފުށިން މުހިންމު މޮޅެއް ހޯދާފައެވެ. މިމެޗު އޭދަފުށިން ކާމިޔާބުކުރީ 4-0 އިންނެވެ.

Ad by Hajj Corporation

މި މުބާރާޓުގައި މީގެ ކުރިން ތިމަރަފުށި މާލެސީޓިއާއި ވާދަކޮށް ބަލިވެފައިވާއިރު، މި މެޗުން ތިމަރަފުށި ނިކުތީ މޮޅުވާން މަޖުބޫރު މެޗެއްގެގޮތުގައެވެ. އަދި މި މެޗަށް އޭދަފުށީ ނިކުތްއިރު އެޓީމު ކުރިން ކުޅުނު މެޗުން ވަނީ މޮޅުވެފައެވެ.   

ރޭގެ މެޗުގައި ދެ ޓީމުގައިވެސް ފުރަތަމަ ޑިވިޝަނުގެ ތަޖުރިވާކާރު ކުޅުންތެރިންތަކެއް ހިމެނިފައިވެއެވެ. އެގޮތުން ތިމަރަފުއްޓަށް ކުޅެފައިވާ ކުޅުންތެރިންނަކީ އަބްދުﷲ ޒިޔާން (ޖަންކީ) އާއި ޔުނައިޓެޑް ވިކްޓްރީގެ ޝަނާން ރަޝާދު އާއި އަބްދުﷲ ޖުނައިދުއެވެ. މި ދެ ކުޅުންތެރިން ތިމަރަފުއްޓަށް ކުޅެފައިވަނީ ބޭރު ކުޅުންތެރިންގެ ގޮތުގައެވެ. އެގޮތުން ޝަނާން ރަޝާދަކީ ކ. ގާފަރަށް ނިސްބަތްވާ ކުޚުންތެރިޔެކެވެ. އަދި އަބްދުﷲ ޖުނައިދުއަކީ ލ. ގަމަށް ނިސްބަތްވާ ކުޚުންތެރިއެކެވެ.

މެޗުގެ ފުރަތަމަ ގޯލު ޖެހީ ފުތަމަހާފުގެ ފަހުކޮޅުގައި އަލީ ނަސީމް (ދިއްލި)  އެވެ. އަދި ދެވަނަ ގޯލުޖެހީ ތުޅާދޫމެޗުގައި ހެޓްރިކް ހެދި އަލީ ނަސީމްއެވެ. އަދި އޭދަފުށީގެ ފަހު ދެ ގޯލު ޖަހައިދިނީ ދެވަނަ ހާފުގައި މުޙައްމަދު ފާސިރު (ފާއްޓޭ) އެވެ.

މި މޮޅާއެކު އޭދަފުށި ވަނީ ދެވަނަ ބުރަށް ދަތުރުކޮށްފައެވެ. އަދި މުބާރާތުގެ އެއްވެސް ޕޮއިންޓެއް ހޯދިފައިނުވާ ތިމަރަފުށި ވަނީ މުބާރާތުން އަލްވަދާޢު ކިޔާފައެވެ.