ފަލަސްތީނަށް އިންސާނީ އެހީތެރިކަން ފޯރުކޮށްދިނުމަށް ފުރިހަމަ އެއްބާރުލުން ދިނުމަށާއި ވަގުތުން ހަނގުރާމަ ހުއްޓާލުމަށް އދ ގެ ސެކްރެޓަރީ ޖެނެރަލް އެއެންޓޯނިއޯ ގުޓެރެސް, ދުނިޔޭގެ ގައުމުތަކަށް ގޮވާލައިފިއެވެ.

އެންޓޯނިއޯ ގުއެރެޓްސް މިހެން ގޮވާލައްވާފައި ވަނީ ބައިނަލްއަޤްވާމީ ގޮތުން ފާހަގަކުރާ ފަލަސްތީނުގެ ރައްޔިތުންގެ އެއްބައިވަންތަކަމުގެ ދުވަހުގެ މުނާސަބަތުގައި ދެއްވި މެސެޖެއްގައެވެ.

އެ މެސެޖްގައި އޭނާ ވަނީ ފަލަސްޠީނުގެ ރައްޔިތުންނަށް އިންސާނީ އެހީތެރިކަން ފޯރުކޮށްދިނުމަށް، ޚާއްޞަކޮށް، ފަލަސްޠީނުގެ އެތައް މިލިއަން ބަޔަކަށް ބަދަލުނުކުރެވޭ ވަރުގެ ލައިފްލައިނެއް ރަމްޒުކޮށްދޭ ޔޫއެންއާރްޑަބްލިއުއޭގެ މަސައްކަތުން، ފަލަސްޠީނުގެ ރައްޔިތުންނަށް އެހީތެރިކަން ފޯރުކޮށްދިނުމަށް އިލްތިމާސްކުރައްވާފައެވެ.

އިރުމަތީ ގުދުސް ހިމެނޭ ގޮތަށް ހިފާފައިވާ ހުޅަނގު އައްސޭރީގައި އިސްރާއީލުގެ އަސްކަރީ އޮޕަރޭޝަންތަކާއި، އާބާދީތައް ފުޅާކުރުމާއި، ވަޒަންވެރިންގެ ހަމަނުޖެހުންތަކާއި، ވަޒަންވެރިކަމުގެ ހަމަނުޖެހުންތައް ހިންގުމުގެ އިންޒާރުތައް ދަނީ އިތުރުވަމުން ކަމަށް އެއެންޓޯނިއޯ ގުޓެރެސް ހާމަކުރެއްވިއެެވެ.

މިހާރުން މިހާރަށް ހަނގުރާމަ ހުއްޓާލުމަށާއި ބައިނަލްއަޤްވާމީ ކޯޓާއި ޖެނެރަލް އެސެމްބްލީން ކަށަވަރުކޮށްދީފައިވާ ފަދައިން، ފަލަސްޠީނުގެ ބިން ޤަވާޢިދާ ޚިލާފަށް ހިފުން ނިމުމަކަށް ގެނައުމަށް އޭނާ ވަނީ އެދިފައެވެ. އަދި އެ ދެޤައުމުގެ ވެރިރަށަކީ ގުދުސްކަމުން ބައިނަލްއަޤްވާމީ ޤާނޫނުތަކާއި އދ.ގެ ޤަރާރުތަކާ އެއްގޮތްވާ ގޮތުގެ މަތިން، އިސްރާއީލާއި ފަލަސްޠީނު ސުލްޙަމަސަލަސްކަމާއި އަމާންކަމާއި، ދެމިތިބުމަށް އެއެންޓޯނިއޯ ގުޓެރެސް ވަނީ ގޮވާލައްވާފައެވެ.