ކުރިމަގުގެ ލީޑަރުން އުފެއްދުމަށް ކުރެވޭނެ މަސައްކަތްތަކާ ގުޅޭގޮތުން "ދިވެހި ޒުވާނުންގެ ލަފާދޭ ކޮމެޓީ"އާ ކުޅިވަރާއި ހަށިހެޔޮކަމާ ބެހޭ ވަޒީރު ބައްދަލުކުރައްވައިފިއެވެ.

ކުޅިވަރު ވުޒާރާގައި "ދިވެހި ޒުވާނުންގެ ލަފާދޭ ކޮމެޓީ" އާ ކުޅިވަރު ވަޒީރު ބައްދަލުކުރައްވާ ވަނީ ސަރުކާރުން ކުޅިވަރުގެ ތެރެއިން ޒުވާނުން ބާރުވެރިކުރުވުމަށް ކުރައްވަމުން އަންނަ މަސައްކަތްތައް ފާހަގަކުރައްވާފަ އެވެ. އަދި މީގެ އިތުރުން މިހާތަނަށް ޒުވާނުންނަށް ފަހިވެފައިވާ ފުރުސަތުތަކާއި، ދުޅަހެޔޮ ދިރިއުޅުމަކަށް ޒުވާނުން ބާރުވެރިކުރުވުމަށް ކުރެވޭނެ ކަންކަމާ ގުޅޭގޮތުންވެސް މަޝްވަރާ ކުރެއްވި އެވެ.

Ad by Hajj Corporation

މި ބައްދަލުވުމުގައި "ދިވެހި ޒުވާނުންގެ ލަފާދޭ ކޮމެޓީ"ގެ ޗެއާމަން ދާއޫދު އަޙުމަދު ވަނީ މިވޭތުވެދިޔަ ތިން މަސް ދުވަހު އެ ކޮމިޓީގެ ފަރާތުން ކުރެއްވި މަސައްކަތްތައް ހިއްސާކުރެއްވި އެވެ. އަދި ކުޅިވަރު ވުޒާރާއާ ގުޅިގެން ޒުވާނުން ބާރުވެރި ކުރުވައި، ކުރިމަގުގެ ލީޑަރުން އުފެއްދުމަށް ކުރެވޭނެ މަސައްކަތްތަކާ ގުޅޭގޮތުންވެސް މި ބައްދަލުވުމުގައި މަޝްވަރާ ކުރެއްވި އެވެ.

"ދިވެހި ޒުވާނުންގެ ލަފާދޭ ކޮމެޓީ" އެކި ދާއިރާތަކުން ރައީސް ޑރ. މުހައްމަދު މުއިއްޒުއަށް އެރުވުމަށް ލަފާ އެރުވުމަށް ރައީސް އުފެއްދެވި ކޮމިޓީ އެކެވެ. މި ކޮމިޓީގައި އެކި ދާއިރާތަކުން 15 މެންބަރުން ހިމެނެ އެވެ.