މޯލްޑިވްސް މީޑިއާ ކައުންސިލް (އެމްއެމްސީ)ގެ އިންތިޚާބު މިއަދު ބާއްވައިފިއެވެ.

ސޯޝަލް ސެންޓަރުގައި މިއަދު ބޭއްވި އިންތިޚާބުގައި އެމްއެމްސީ އަށް 10 މެމްބަރަކު ވަނީ އިންތިޚާބުކޮށްފައެވެ. އެއީ މީޑިއާތަކުން އެ ކައުންސިލް ތަމްސީލްކުރާ 7 މެމްބަރަކާއި އަމިއްލަ ގޮތުން ކައުންސިލް ތަމްސީލްކުރާ ތިން މެމްބަރެކެވެ.

Ad by Hajj Corporation

މިއަދުގެ އިންތިހާބުގައި މީޑީއާތަކާއި އާންމު ފަރާތްތަކުން 22 ކެންޑިޑޭޓުން ވަނީ ވާދަކޮއްފައެވެ. 

އިންތިހާބުކުރި މެންބަރުންނާއި ވޯޓްގެ އަދަދު:

• ފާތިމަތު ޝަނާ މުހައްމަދު (މިހާރު އޮންލައިން): 118
• ނަޖާހު މަސްއޫދު (ވަގުތު އޮންލައިން): 117
• ހަސަން ޝާކިރު (އާފަތިސް އޮންލައިން): 93
• ހަފްސީ އަބްދުﷲ (ހަފްސީ ޑޮޓްކޮމް): 75
• ހުސައިން ޝަގީފް (ތިލަދުން އޮންލައިން): 74
• ހުސެއިން ހަސަން (ހަތާވީސް އޮންލައިން): 74
• ފާތިމަތު ނަހުދާ ފާއިޒް (ދިޔަރެސް އޮންލައިން): 71
• އިބްރާހިމް ފައުޒީ (އަމިއްލަ ގޮތުން): 80
• ފާތިމަތު ފަހުމީ (އަމިއްލަ ގޮތުން): 76
• އިބްރާހިމް މުހައްމަދު (އަމިއްލަ ގޮތުން): 49

މި އިންތިޚާބުގައި ވޯޓުލުމަށް 149 މީޑިއާއަކުން ރަޖިސްޓަރީ ކުރިނަމަވެސް ވޯޓުލާފައި ވަނީ 139 ފަރާތަކުންނެވެ.

މީޑިއާ ކައުންސިލްގެ ދައުރަކީ ދެ އަހަރެވެ. އެ ކައުންސިލުގެ މެމްބަރުކަން ޖެހިޖެހިގެން ދެ އަހަރު ވަންދެން އެއް މެމްބަރަކަށް ނުކުރެވޭނެއެވެ.