ރަސްމީ ދަތުރުފުޅެއްގައި ޚާރިޖީ ވަޒީރު މޫސާ ޒަމީރު އެކުވެރި އަރަބި އިމާރާތް (ޔޫއޭއީ) އަށް ވަޑައިގަންނަވައިފިއެވެ.

ޚާރިޖީ ވުޒާރާއިން ބުނީ، ވަޒީރު ޔޫއޭއީއަށް ކުރައްވާ ދަތުރުފުޅަކީ އެގައުމުގެ އިސްވެރިންނާއެކު މަތީ ފަންތީގެ ފެންވަރުގެ މަޝްވަރާތަކެއް ކުރުމަށް ހަމަޖެހިފައިވާ ދަތުފުޅެއް ކަމަށެވެ.

އެގޮތުން މިއަދުން ފެށިގެން މި މަހުގެ ހަތަރެއްގެ ނިޔަލަށް ކުރައްވާ މި ދަތުރުފުޅުގައި ޔޫއޭއީގެ ނައިބު އަދި ޚާރިޖީ ވަޒީރު ހިޒް ހައިނެސް ޝެއިޚް އަބްދުالله ބިން ޒައިދު އަލް ނަހްޔާންއާ ވަޒީރު ބައްދަލުކުރައްވާނެ ކަމަށް އެ ވުޒާރާއިން ބުންޏެވެ.

އެ ދަތުފުޅުގައި ވަޒީރުގެ އަރިހުގައި އެމްބެސެޑަރ އެޓް ލާޖް އަޙްމަދު ނަޞީރު ވެސް ބައިވެރިވަޑައިގަންނަވާ ކަމުގައި އެ ވުޒާރާއިން ބުންޏެވެ.