ފީފާއިން މިއަހަރު ހޮވާ އެންމެ މޮޅު 11 ކުޅުންތެރިން ހޮވައިފިއެވެ. އެގޮތުން މިއަހަރުގެ އެންމެ މޮޅުކުޅުންތެރިންގެ ތެރޭގައި ރެއާލް މެޑްރިޑްގެ 6 ކުޅުންތެރިންނާއި މެންޗެސްޓަރ ސިޓީގެ 4 ކުޅުންތެރިޔަކު ހިމެނިފައިވެއެވެ.

Ad by Hajj Corporation

މި އަހަރުގައި މިހާތަނަށް ރެއާލް މެޑްރިޑްވަނީ ޖުމްލަ 5 ތަށި ހޯދާފައެވެ. އެގޮތުން އެޓީމުން ވަނީ ޗެންޕިއަންސް ލީގާއި ލަލީގާ އާއި ޔޫރަޕިއަން ސުޕަކަޕާއި ސްޕެނިސް ސުޕަކަޕް ކާމިޔާބުކޮށްފައެވެ. ރެއާލް މެޑްރިޑުގެ ކުޅުންތެރިންގެ ތެރެއިން މި ލިސްޓުގައި ހިމެނިފައިވާ ކުޅުންތެރިންނަކީ: އެންޓޯނިއޯ ރޫޑިގަރ (ޖަރުމަން)، ޑެނީ ކަރަވަހާލް (ސްޕެއިން)، ޓޮނީ ކްރޫސް (ޖަރުމަން)، ޖޫޑް ބެލިންގްހަމް (އިންގްލަންޑް)، ވިނީޝިއަސް ޖޫނިއަރ (ބްރެޒިލް) އަދި ކީލިޔަން އެމްބާއްޕޭ (ފްރާންސް) އެވެ.

 އަދި މީގެ އިތުރުން މެންޗެސްޓަރ ސިޓީވަނީ މިދިޔަ ޕްރީމިއަރ ލީގު ޗެންޕިއަން ކަމާއި ކޮމިޔުނިޓީ ޝީލްޑުގެ އިތުރުން ކުލަބް ވޯލްޑްކަޕް ހޯދާފައެވެ. އެ ކުލަބުގެ މި ލިސްޓުގައި ހިމެނޭ ކުޅުންތެރިންނަކީ އެޑަރސަން (ބްރެޒިލް)، ކެވިން ޑެބްރޫން (ބެލްޖިއަމް)، ރޮޑްރީ (ސްޕެއިން) އަދި އާރލިން ހާލަންޑް (ނޯވޭ) އެވެ.

މި ލިސްޓްގައި ހަމައެކަނި ހިމެނޭ އެހެންޓީމެއްގެ ކުޅުންތެރިޔަކީ ލިވަރޕޫލުގެ ވެންޑައިކް އެވެ.