ސަޢޫދީ އަރަބިއްޔާގެ ސަރުކާރުން ކޮންމެ އަހަރަކު ރަމަޟާންމަހަށް ރާއްޖެއަށް ކަދުރު ހަދިޔާކުރަމުން އަންނައިރު، މިއަހަރުގެ ރަމަޟާންމަހަށް ހަދިޔާކުރި ކަދުރު ރާއްޖެ ފޮނުވައިފިއެވެ.

އިސްލާމިކް މިނިސްޓަރު ޑރ.މުޙައްމަދު ޝަހީމް އަލީ ސަޢީދު ވަނީ ސަޢުދީ އަރަބިއްޔާއިން ކޮންމެ އަހަރަކުވެސް ހަދިޔާކުރަމުން އަންނަ ކަދުރު މިހާރު އެ ލިބިފައިވާކަމަށް ވިދާޅުވެފައެވެ.

Ad by Hajj Corporation

އަންނަ ރަމަޟާންމަސް ފެށުމުގެ ކުރިން ކަދުރު ބަހައި ނިންމާނެކަމަށް ވެސް މިނިސްޓަރު ވަނީ ވިދާޅުވެފައެވެ.

މިނިސްޓަރު ޝަހީމް ވިދާޅުވިގޮތުގައި މި ފަހަރު ކަދުރު ބެހުމުގައި މިސްކިތްތަކުގައި އިފްޠާރު ޕްރޮގްރާމް ހިންގަން ބޭނުންވާ ޖަމިއްޔާތަކަށްވެސް ކަދުރުން ބައެއް ދޭނެއެވެ.

ކޮންމެ އަހަރަކުވެސް ރަމަޟާންމަހާ ދިމާކޮށް ސަޢުދީ ސަރުކާރުން އަންނަނީ ރާއްޖެއަށް ކަދުރު ހަދިޔާކުރަމުން އަންނައިރު، މި އަހަރު ވެސް ވަނީ 50 ޓަނު ކަދުރު ހަދިޔާކޮށްފައެވެ.