ރޭ ހުޅުމާލޭގައި ޓެކްސީ ޑްރައިވަރުން ކުރިއަށް ގެންދިޔަ އިހުތިޖާޖުގެ ތެރެއިން އާންމު ދަތުރުފަތުރަށް ހުރަސް އެޅި ދެ ޓެކްސީ ޑްރައިވަރުންގެ ބަންދުގެ މުއްދަތު ޖަހައިފި އެވެ.

އެ މައްސަލައިގައި ފުލުހުން ކޯޓު އަމުރެއްގެ ދަށުން ހައްޔަރުކުރީ މއ. ވިރާހު، މުހައްމަދު ޝާމިން(39އ) އާއި ލ.ދަނބިދޫ, ސަންރޭ އަހުމަދު ޝަބީން (33އ)ގެ އިތުރުން ހދ. ކުމުންދޫ، ހޮލިޑޭވިލެޖް، ނުއޫމާން އަހުމަދު(36އ) އެވެ.

Ad by Hajj Corporation

އެ މައްސަލައިގައި ކްރިމިނަލް ކޯޓުން ވަނީ ޝާމިންއާއި ޝަބީންގެ ބަންދަށް ފަސް ދުވަސް ޖަހައިދީފަ އެވެ.

ނަމަވެސް ނުއުމާން ވަނީ ޝަރުުތުތަކާއެކު ދޫކޮށްލައިފަ އެވެ.

އެ މައްސަލައިގައި ފުލުހުން ވަނީ ހަތަރު ފުރޮޅުލީ 22 އުޅަނދު ޓޯކޮށްފައެވެ.